पणजी : रशिया आणि युक्रेन यांच्यातील धुमश्चक्रीत गोवा राज्यातील अडकलेल्या 19 विद्यार्थ्यांपैकी सातजण सुखरूप गोव्यात दाखल झाले आहेत. सहा विद्यार्थ्यांनी युक्रेन सोडून इतर देशांच्या आसरा घेतला आहे, तर अन्य सहा विद्यार्थी सीमेकडे निघाल्याची माहिती गोव्याच्या अनिवासी भारतीय आयोगाचे आयुक्त ॲड. नरेंद्र सावईकर यांनी दिली आहे. (Russia Ukraine War News Updates)
गोव्यातून (Goa) शिक्षणासाठी 19 विद्यार्थी युक्रेनमध्ये गेले होते. सध्या युक्रेनमध्ये युद्ध सुरू असल्याने भारतीयांनी युक्रेन सोडण्याची सूचना भारतीय दूतावासाने दिली आहे. त्यानुसार 7 गोमंतकीय विद्यार्थ्यांना भारत सरकारच्या ‘ऑपरेशन गंगा’अंतर्गत भारतात आणले असून ते गोव्यात दाखल झाले आहेत. दोन विद्यार्थी रोमानियामध्ये असून तीन विद्यार्थी हंगेरीमध्ये पोचले आहेत. एक विद्यार्थी पोलंडमध्ये पोहोचला आहे.
दोन गोमंतकीय विद्यार्थी (Student) खार्किवमध्ये तर एक विद्यार्थी सुमीमध्ये अडकला होता. हे तिघेही सीमेकडे निघाल्याची माहिती उपलब्ध झाली आहे. याशिवाय तीन विद्यार्थ्यांनी शिक्षण घेत असलेल्या संस्था सोडल्या असून तेही युक्रेन (Ukraine) सोडण्यासाठी सीमेकडे निघाले आहेत. मात्र, त्यांचे निश्चित ठिकाण समजत नसल्याची माहिती आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
