Goa Accident: भरधाव KTM ने घेतला वृद्ध महिलेचा जीव; गिरीत रस्ता क्रॉस करताना दिली जोराची धडक

गिरी / म्हापसा: भरधाव बाईकच्या धडकेत वृद्ध महिलेचा मृत्यू झाल्याची घटना गिरी – म्हापसा येथून समोर आली आहे. ६४ वर्षीय महिला रस्ता क्रॉस करताना तिला भरधाव केटीएम बाईकने धडक दिली. अपघातात गंभीर जखमी झालेल्या महिलेचा शुक्रवारी (२२ नोव्हेंबर) उपचारादरम्यान मृत्यू झाला.

रजनी भरत धारगळकर (६४) असे या अपघातात मृत झालेल्या महिलेचे नाव आहे.

समोर आलेल्या माहितीनुसार, रजनी या गिरीत महामार्ग ओलांडून आपल्या घरी सेंट अँथनीवाडा-गिरी येथे जात होत्या. त्यावेळी पणजीच्या दिशेने येणाऱ्या भरधाव केटीएम बाईकने महिलेला जोराची धडक दिली. यात महिला गंभीर जखमी झाली.

जखमी महिलेला उपचारासाठी म्हापसा जिल्हा रुग्णालयात दाखल करण्यात आले. जिल्हा रुग्णालयातून पुढील उपचारासाठी त्यांना गोवा वैद्यकीय महाविद्यालयाच्या रुग्णालयात दाखल करण्यात आले. दरम्यान, उपचार सुरु असताना महिलेचा मृत्यू झाला.

अपघातग्रस्त दुचाकीवर मूळ ओडिशा येथील रहिवासी असल्याची माहिती आहे. लक्ष्मीधर गदाधर बिस्वाल (वय २३, रा. पणजी, मूळ ओडिशा) असे या तरुणाचे नाव आहे.