IFFI Goa: इफ्फीसाठी तब्बल 5,000 सिनेरसिकांनी केली नोंदणी; दिव्यांगांसाठीही कार्यशाळा

गोवा राज्यासह जगभरातील सिनेरसिक ज्या महोत्सवाच्या प्रतिक्षेत असतात. तो भारताचा 53 व्या आंतरराष्ट्रीय चित्रपट महोत्सव अवघ्या काही तासांवर येऊन ठेपला आहे. यासाठी तब्बल 5,000 प्रतिनिधींनी नोंदणी केली असल्याची माहिती समोर आली आहे.

(5,000 delegates have registered for the 53rd International Film Festival )

मिळालेल्या माहितीनुसार भारताचा 53 व्या आंतरराष्ट्रीय चित्रपट महोत्सवसासाठी तब्बल 5,000 प्रतिनिधींनी नोंदणी केली आहे. यात लोकप्रिय 8 फ्रेंच चित्रपटांच्या प्रदर्शनांसह फ्रान्स हा केंद्रस्थानी असेल त्यामुळे यंदा फ्रान्स नागरिकांचा ही विशेष सहभाग असण्याची शक्यता निर्माण झाली आहे.

या महोत्सवामध्ये ऑस्ट्रियन चित्रपट अल्मा आणि ऑस्कर हा ओपनिंग चित्रपट असेल, तर पोलिश चित्रपट परफेक्ट नंबर हा शेवटचा चित्रपट असणार आहे. तर जर्मन चित्रपट फिक्सेशन मिड-फेस्ट चित्रपट ही या महोत्सवाचा भाग असेल. तसेच स्पॅनिश चित्रपट दिग्दर्शक आणि लेखक कार्लोस सौरा यांना जीवनगौरव पुरस्काराने सन्मानित करण्यात येणार आहे.

या महोत्सवात देशभरातील अर्जांमधून निवडलेल्या 75 सर्जनशील संकल्पनांचा या महोत्सवात गौरव होणार आहे. या महोत्सहामध्ये दिव्यांग व्यक्तींसाठी अभिनय आणि चित्रपट निर्मिती या विषयावरील कार्यशाळा आयोजित केले जाणार आहे. त्यामूळे हा महोत्सव म्हणजे दिव्यांगांसह सिनेरसिकांसाठी आनंदाची पर्वणी असणार आहे.