डिचोली: सर्व्हिस पिस्तुलातून अचानक सुटलेली गोळी तोंडात घुसल्याने एका चार वर्षीय बालकाचा दुर्दैवी अंत होण्याची घटना डिचोलीत (Bicholim) घडली आहे. या घटनेमुळे डिचोलीत हळहळ व्यक्त होत आहे. ही घटना काल (गुरुवारी) रात्री 10.30 वाजण्याच्या सुमारास वासुदेवनगर-डिचोली येथे घडली. मयत बालकाचे नाव मिहीर होते जो 4 वर्षाचा होता.
यासंबंधी उपलब्ध माहिती अशी, की, पोलिस खात्याच्या आर्थिक गुन्हा विभागात हवालदारपदी असलेले कुडपवाडा-कारापूर (साखळी) येथील दशरथ वायंगणकर हे काल रात्री आपली ड्युटी संपवून सध्या ते राहत असलेल्या वासुदेवनगर-डिचोली येथील रिव्हर डे या अपार्टमेंटमधील फ्लॅटमध्ये आले. आपल्याजवळील सर्व्हिस पिस्तूल (ग्लॉक पिस्तूल) त्यांनी टेबलवर ठेवून ते स्वच्छतागृहात गेले. मागाहून ही घटना घडली. ही घटना नेमकी कशी घडली, ते समजू शकले नाही. मात्र सर्व्हिस पिस्तूल हातात घेऊन खेळताना चुकून क्लॉक झाल्यानेच ही घटना घडल्याचा अंदाज आहे.
ही घटना घडली, त्यावेळी बालकाची आई आणि दहा वर्षीय बालक किचनरूम मध्ये होते. याप्रकरणी वरिष्ठ पोलिस पुढील तपास करीत आहेत. मिळालेल्या माहितीनुसार, दशरथ वायंगणकर हे गोव्यात आलेले उपराष्ट्रपती व्यंकय्या नायडू यांच्या विशेष सुरक्षा ड्युटीवर होते. ड्युटी आटोपून ते घरी आले होते. सुरक्षा व्यवस्थेनिमित्त श्री. वायंगणकर यांच्या ताब्यात देण्यात आलेले सर्व्हिस पिस्तूल 31 ऑक्टोबर रोजी परत करणार असल्याचे लेखी पत्र श्री. वायंगणकर यांनी ते ताब्यात घेताना पोलिस खात्याला दिलेले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
