37th National Games Goa: श्यामाप्रसाद मुखर्जी स्टेडियम परिसरात संशयित ताब्यात...

37th National Games Goa: गोव्यात 37 व्या राष्ट्रीय क्रीडा स्पर्धेला १९ ऑक्टोबरपासून सुरवात होत आहे. या स्पर्धेची जय्यत तयारी गोवा सरकारने केली आहे. देशभरातून खेळाडू या स्पर्धेसाठी गोव्यात येणार आहेत. त्या पार्श्वभूमीवर चोख सुरक्षा व्यवस्थाही ठेवली गेली आहे.

याची प्रचिती आज, सोमवारी श्यामा प्रसाद मुखर्जी इनडुअर स्टेडियम परिसरात आली. येथे पोलिसांनी अचानक मॉक ड्रिल राबवली. पोलिस दल आणि कमांडो यांनी संयुक्तपणे ही कारवाई पार पाडली.

यात स्टेडियमपरिसरात घुसलेले डमी संशयित दंगेखोर-दहशतवाद्यांना पोलिसांनी पकडले. महत्वाच्या कार्यक्रमांवेळी काही अनुचित प्रकार घडला, किंवा काही गोंधळ झाला, हल्ला झाला तर आपले पोलिस दल, सुरक्षा दल कितपत तत्पर आहे, याची चाचपणी अशा मॉक ड्रिलमधून घेतली जात असते.

राष्ट्रीय क्रीडा स्पर्धा तोंडावर आली असताना आज, येथे ही मॉक ड्रिल पार पडली.