Orange alert in Goa : मुसळधार पावसामुळे राज्यातील अनेक भागांत पूरजन्यस्थिती निर्माण झाली आहे. हवामान खात्याने राज्यात 27 व 28 जुलैला ऑरेंज अलर्ट जारी केला आहे तर 29 व 30 जुलै रोजी यलो अलर्ट जारी करण्यात आला आहे.
राज्यात सतत कोसळणाऱ्या पावसामुळे बुधवारपासून झाडे कोसळणे, पाण्याखाली रस्ते जाणे तसेच पडझडीच्या घटनांचे सत्र सुरूच आहे. मंगळवारी सायंकाळी कॅसलरॉक येथे कोकण रेल्वे मार्गावर दरड कोसळल्यामुळे रेल्वे वाहतूक सेवा ठप्प झाली असून दरड हटवण्याचे काम सुरू असल्याने काही रेल्वेगाड्या रद्द करण्यात आल्या आहेत.
राज्यात 27 व 28 जुलैला हवामान खात्याने ऑरेंज अलर्ट जारी केला आहे तर 29 व 30 जुलै रोजी यलो अलर्ट जारी केला आहे. राज्यात मोठ्या प्रमाणात पाऊस पडत असल्यामुळे नागरिकांनी सतर्क राहावे, तसेच योग्य ती काळजी घेण्याचे आवाहन हवामान खात्याने केले आहे.
गेल्या चोवीस तासांत म्हापसा 90, पेडणे 70.8, पणजी 75.0, फोंडा 101.01, ओल्ड गोवा 86.7, साखळी 78.6, वाळपई 112.7, काणकोण 91.8, दाबोळी 77.2, मुरगाव 70.3, केपे 90.2 आणि सांगे 112.4 मीमी पावासाची नोंद झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.