Konkan Railway: गोव्यात रेल्वेच्या धडकेत पश्चिम बंगालच्या युवकाचा मृत्यू, बोगद्यात सापडला मृतदेह

वेर्णा: रेल्वेने दिलेल्या धडकेत पश्चिम बंगालच्या २३ वर्षीय युवकाचा मृत्यू झाला आहे. कोंसूवा, वेर्णा येथे ही घटना घडली. मृत व्यक्ती पश्चिम बंगलाचा रहिवासी असल्याची माहिती समोर आली आहे.

समीर सदानंद माहतो (२३ रा. पश्चिम बंगाल) असे या अपघातात मृत झालेल्या व्यक्तीचे नाव आहे. समीरचा मृतदेह दक्षिण गोव्यातील शवागरात ठेवण्यात आला आहे.

मिळालेल्या माहितीनुसार, बोगद्यात एका अनोळखी व्यक्तीचा मृतदेह आढळला असल्याची माहिती कोकण रेल्वे पोलिसांना मिळाली. पोलिसांनी घटनास्थळी जात पंचनामा केला. सर्व कायदेशीर बाबी पूर्ण केल्यानंतर समीरचा मृतदेह दक्षिण गोवा रुग्णालयात ठेवण्यात आला आहे.

पोलिसांनी याप्रकरणी अनैसर्गिक मृत्यूची नोंद केली असून, पोलिस निरीक्षक सुनील गुडलर यांच्या मार्गदर्शनाखाली पोलिस उपनिरीक्षक दत्तात्रय नाईक याप्रकरणाचा अधिक तपास करतायेत.