काणकोण: गालजीबाग किनाऱ्यावर यंदा आतापर्यंत अकरा ऑलिव्ह रिडले कासवांचे आगमन होऊन त्यांनी 1162 तर आगोंद किनाऱ्यावर 28 सागरी कासवांचे आगमन होऊन 2762 अंडी घातली. गालजीबाग किनाऱ्यावरून आतापर्यंत आठ सागरी कासवांच्या घरट्यातून 654 व आगोंद किनाऱ्यावरून तेरा घरट्यांतून 1633 मिळून 2287 पिल्ले समुद्रात सोडण्यात आली आहेत,अशी माहिती खोतीगाव अभयारण्याचे क्षेत्रीय वनाधिकारी अनंत वेळीप यांनी दिली.
यंदा बदलत्या वातावरणामुळे सागरी कासवांचे आगमन लांबले आहे. त्याचबरोबर अंड्यातून पिल्ले बाहेर येण्याचे प्रमाण समाधानकारक असल्याचे वेळीप यांनी सांगितले. गालजीबाग किनारा अधिकृतपणे सागरी कासवांसाठी आरक्षित करण्यात आला आहे, त्यामुळे पर्यटन व्यवसायावर या किनाऱ्यावर कडक निर्बंध येणार आहेत. मात्र, तौक्ते वादळामुळे झालेली किनाऱ्याची झीज चिंताजनक आहे. या संदर्भात राज्यपाल पी.एस.श्रीधरन पिल्लई यांनी पैंगीणला भेट दिली त्यावेळी पैंगीण जैवविविधता समिती व या भागाच्या पंचायत सदस्य दीक्षा पागी ही बाब त्यांच्या निदर्शनात आणून दिली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
