मडगाव: दुचाकी चालविता येत नसतानाही ती चालविण्याचे धाडस एका १८ वर्षीय युवकाच्या जीवावर बेतले. मोहम्मद फझलू असे त्या दुर्दैवी युवकाचे नाव असून, शनिवारी (ता.२४) कुटबण-आंबेली येथे स्वयंअपघातात त्याचा मृत्यू झाला.
मोहम्मद हा मूळ पश्चिम बंगालमधील मालडा जिल्ह्यातील रहिवासी आहे. तो कुटबण येथे कामाला होता, अशी माहिती कुंकळ्ळी पोलिसांनी दिली. अपघातानंतर पोलिसांनी फझलू याच्या भावाकडे चौकशी केली असता, त्याला दुचाकी चालविता येत नव्हती, असे उघड झाले.
घरामध्ये या दुचाकीची चावी ठेवली होती. कुणी बघत नसल्याचे पाहून मोहम्मदने ती चावी घेऊन दुचाकी सुरू करून, तो चालवू लागला असता, घरापासून शंभर मीटर दूर अंतरावर दुचाकीवरील ताबा सुटल्याने तो खाली पडला. त्याच्या डोक्याला गंभीर इजा पोचली. उपचारासाठी त्याला बाळ्ळी येथील आरोग्य केंद्रात नेले असता, त्याला डॉक्टरांनी मृत घोषित केले.
अपघाती मृत्यू म्हणून कुंकळ्ळी पोलिसांनी हे प्रकरण नोंदविले आहे. पोलिस उपनिरीक्षक आदित्य सावंत पुढील तपास करीत आहेत. मृतदेह दक्षिण गोवा जिल्हा इस्पितळाच्या शवागारात ठेवला आहे.
दुकान बंद करून घरी जाताना केरी - फोंडा येथील दुचाकीस्वार कृष्णा जानू जल्मी (वय ५८ वर्षे) यांचा स्वयंअपघातात मृत्यू झाला. हा अपघात शनिवारी (ता. २४) झाला. त्यांना उपचारासाठी इस्पितळात दाखल केले; परंतु उपचार सुरू असताना त्यांचा मृत्यू झाला. याप्रकरणी म्हार्दोळ पोलिसांनी पंचनामा केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
