Sikkim Journalist in Goa: पूर्व भारतातील सिक्कीम या छोट्या राज्यातील 13 पत्रकार गेल्या काही दिवसांपासून गोवा दौऱ्यावर आले आहेत. गेल्या काही दिवसांपासून त्यांनी गोव्यातील विविध स्थळांना भेटी दिल्या आहेत.
आज, गुरूवारी 27 सप्टेंबर रोजी त्यांनी गोव्यातील एका हँडलूम यूनिटला भेट देत कुणबी साडीविषयी माहिती घेतली.
तसेच साखळी, विठ्ठलापूर येथील ग्रीन स्कूललाही त्यांनी भेट दिली. तसेच सुर्ला येथील ग्रामपंचायतीमध्ये स्वयंपूर्ण गोवा उपक्रमाविषयी जाणून घेतले.
सुर्ला येथे स्थानिक लोक कुणबी साड्या विणतात. ज्या हातमागावर या साड्या विनल्या जातात त्या युनिटला या पत्रकारांनी भेट दिली. तेथील कारागिरांशी संवाद साधला. त्यानंतर स्वयंपूर्णा मित्रा यांनी त्यांना येथील कुणबी साडी युनिटबाबतची सर्व माहिती दिली.
तसेच सुर्ला ग्रामपंचायतीचे सरपंच, पंच सदस्य, जि. प. सदस्य यांच्याशी संवाद साधत त्यांनी स्वयंपूर्ण गोवा मिशन अंतर्गत सुरू असलेल्या विविध उपक्रमांची माहिती घेतली.
दरम्यान, विठ्ठलापूर साखळी येथील विठ्ठल रखुमाई शासकीय प्राथमिक शाळा जी देशभरात ग्रीन स्कूल म्हणून परिचीत आहे, तिथेही या पत्रकारांनी भेट दिली.
सिक्कीमची राजधानी गंगटोक येथील प्रेस इन्फॉर्मेशन ब्युरो (पीआयबी) चे 11 पत्रकार आणि 2 अधिकाऱ्यांचा या शिष्टमंडळात समावेश आहे.
पीआयबी गुवाहाटीचे सहाय्यक संचालक प्रणव कुमार नाथ यांच्या मार्गदर्शनाखाली आणि पीआयबी गोवा, डीआयपी गोवा यांच्या सहकार्याने या मीडिया टूरचे आयोजन केले आहे. गोव्यात राबविण्यात येत असलेल्या विविध सरकारी उपक्रमांची माहिती पत्रकारांनी घेतली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.