Goa High Court: थकबाकी भरा अन्यथा भविष्यात परवानगी नाही; सनबर्न, रायडर मॅनियाच्या आयोजकांना हायकोर्टाचे आदेश

Goa High Court on Sunburn : उत्तर गोव्यातील हणजुणे येथे कोमुनिदाद जागेवर झालेल्या सनबर्न फेस्टिव्हल तसेच रायडर मॅनिया या कार्यक्रमांची अद्याप थकबाकी आयोजकांनी कोमुनिदादला दिलेली नाही.

ती थकबाकी जमा करावी, असे आदेश मुंबई उच्च न्यायालयाच्या गोवा खंडपीठाने या कार्यक्रमांच्या आयोजकांना दिले आहेत.

या कार्यक्रमाच्या आयोजकांनी ही थकबाकी जमा करावी. जमा न केल्यास या कार्यक्रमांना भविष्यात परवानगी देण्यात येणार नाही, असेही हायकोर्टाने आदेशात म्हटलेले आहे.

सनबर्न फेस्टिव्हल आयोजकांची 12 लाख रूपये थकबाकी असून रायडर मॅनिया कार्यक्रमाची सुमारे 39 लाख रूपये थकबाकी आहे.