Goa Unity Mall: गोव्यात युनिटी मॉलसाठी 100 कोटी रूपये देणार; केंद्रीय मंत्री सोम प्रकाश यांची माहिती

Central Minister Som Prakash on Unity Mall in Goa: गोव्यात युनिटी मॉल उभारण्यासाठी 100 कोटी रूपये देण्यात येतील, अशी घोषणा केंद्रीय वाणिज्य राज्य मंत्री सोम प्रकाश यांनी केली. पणजीत झालेल्या पत्रकार परिषदेत ते बोलत होते.

वन डिस्ट्रिक्ट वन प्रॉडक्टमध्ये विविध स्तरांवर रोजगार उपलब्ध होणार असल्याची माहिती, सोमप्रकाश यांनी दिली.

सोम प्रकाश आणि खंवटे यांच्या उपस्थितीत वन डिस्ट्रिक्ट वन प्रॉडक्ट याबाबत आढावा बैठक गुरूवारी झाली. या वेळी अधिकारी, पर्यटन प्राधिकरणांचे संचालक, उत्तर गोवा आणि दक्षिण गोव्याचे जिल्हाधिकारी उपस्थित होते. पंतप्रधान मोदींची संकल्पना असलेल्या युनिटी मॉलबाबतचा आढावा केंद्रीय मंत्र्यांनी घेतला.

सोम प्रकाश म्हणाले की, युनिटी मॉल ही एक युनिक संकल्पना आहे. यात राज्यातील उत्पादने या मॉलमध्ये ठेवली जाणार आहेत. आमचे अधिकारी यावर काम करत आहेत. राज्य सरकारनेही त्याला पाठबळ द्यावे.

पर्यटन मंत्री रोहन खंवटे म्हणाले की, युनिटी मॉल बाबतचा डीपीआर एक महिन्यात केंद्रीय मंत्रालयाला पाठवला जाईल. काजू, फेनी या उत्पादनांशिवाय इतरही उत्पादने यात असतील. यात प्रमुख उत्पादने आणि उप उत्पादने असणार आहेत. काजू हे प्रमुख उत्पादन आहे तर काजू हे उप उत्पादन आहे.