Cooch Behar Trophy 2024: दोन पराभवानंतरही गोव्याचा 'यश'वर विश्वास; छत्तीसगडविरुद्धच्या लढतीसाठी टीम सज्ज

Cooch Behar Trophy 2024 Yash Kasvankar Captain Of Goa Team

पणजी: कुचबिहार करंडक १९ वर्षांखालील क्रिकेट स्पर्धेतील छत्तीसगडविरुद्धच्या पुढील लढतीसाठी गोव्याचा संघ जाहीर करण्यात आला असून अष्टपैलू यश कसवणकर याच्याकडे नेतृत्व कायम ठेवण्यात आले आहे.

चार दिवसीय सामना २८ नोव्हेंबरपासून सांगे येथील जीसीए मैदानावर खेळला जाईल.गोव्याला स्पर्धेत `क’ गटातील तीन सामन्यांत दोन पराभव पत्करावे लागले असून एका अनिर्णित लढतीतून त्यांच्या खाती एक गुण आहे. छत्तीसगडने एक विजय व दोन पराभव अशी कामगिरी केली असून त्यांचे सहा गुण झाले आहेत.

गोव्याचा संघ ः आदित्य कोटा, शंतनू नेवगी, यश कसवणकर (कर्णधार), दिशांक मिस्कीन, निसर्ग नागवेकर, शमिक कामत, समर्थ राणे, अनुज यादव, यश सावर्डेकर, शिवेन बोरकर, चिगुरुपती व्यंकट, जीवनकुमार चित्तेम, द्विज पालयेकर, नील नेत्रावळकर, निश्चय नाईक, गौरव नाईक. राखीव ः विराज नाईक, द्रिश नार्वेकर, नितीन घाडी, सार्थक भिके.