U23 Cricket Tournament: गोवा संघाकडून पुन्हा निराशा! फलंदाजांची हाराकिरी, ओडिशाविरुद्ध 67 धावांनी पराभव

U23 One Day Cricket Tournament Goa Vs Odisha

पणजी: गोव्याच्या संघाने २३ वर्षांखालील एकदिवसीय क्रिकेट स्पर्धेत पुन्हा एकदा निराशा केली. ओडिशाविरुद्ध फलंदाज अपयशी ठरल्यामुळे त्यांना ६७ धावांनी पराभव पत्करावा लागला. पाच लढतीतील त्यांना चौथ्या पराभवास सामोरे जावे लागले.

गोव्‍याने ओडिशाला २१८ धावांत गुंडाळले, पण विजयासाठीचे आव्हान त्यांना अजिबात झेपले नाही आणि डाव ४२ षटकांत १५१ धावांत संपुष्टात आला. यश कसवणकर याने एकहाती खिंड लढविताना ९० चेंडूंत पाच चौकारांच्या मदतीने ६४ धावा केल्या.

संक्षिप्त धावफलक : ओडिशा : ४७.३ षटकांत सर्वबाद २१८ (ओम ३१, पी. सासान्का २६, सवान पहारिया ४५, साईदीप मोहापात्रा ४९. शिवम प्रताप सिंग ५-०-१९-०, अमित यादव ८.३-०-३९-२, मनीष काकोडे १०-०-४७-१, सनिकेत पालकर ७-१-२३-३, शदाब खान १०-०-५५-३, यश कसवणकर ७-१-३१-१) वि. वि. गोवा : ४२ षटकांत सर्वबाद १५१ (देवनकुमार चित्तेम १८, यश कसवणकर ६४, आर्यन नार्वेकर ३६. विमल कुमार २-३३, बादल २-२१, विनायक साहू ४-२७).