Syed Mushtaq Ali Trophy T20 Cricket Tournament
Syed Mushtaq Ali Trophy T20 Cricket TournamentCanva

Syed Mushtaq Ali Trophy: गोव्याची पहिली लढत बलाढ्य मुंबईविरुद्ध! टी-20 चा रंगणार थरार

Syed Mushtaq Ali Trophy T20 Cricket Tournament: ई गटात गोव्यासह मुंबई, सेनादल, आंध्र, केरळ, महाराष्ट्र व नागालँड या संघांचा समावेश आहे. पहिली लढत बलाढ्य मुंबईविरुद्ध होईल.
Published on

Syed Mushtaq Ali Trophy T20 Cricket Tournament Goa Matches

पणजी: सय्यद मुश्ताक अली करंडक टी-२० क्रिकेट स्पर्धेच्या ई गटातील गोव्याची मोहीम शनिवारपासून (ता. २३) सुरू होत आहे. या गटातील सामने हैदराबाद येथे होतील. गटात प्रतिस्पर्धी बलवान असल्याने दीपराज गावकर याच्या नेतृत्वाखालील संघाला नागालँड वगळता अन्य पाच लढतीत खूपच घाम गाळावा लागण्याचे संकेत आहेत.

ई गटात गोव्यासह मुंबई, सेनादल, आंध्र, केरळ, महाराष्ट्र व नागालँड या संघांचा समावेश आहे. पहिली लढत शनिवारी बलाढ्य मुंबईविरुद्ध होईल. अखेरचा साखळी सामना पाच डिसेंबर रोजी नागालँडविरुद्ध खेळला जाईल.

रणजी करंडक प्लेट विभागात सलग पाच सामने जिंकल्यानंतर आता गोव्याचा टी-२० स्पर्धेत कस लागेल. झटपट प्रकारच्या या स्पर्धेत दीपराज संघाचे नेतृत्व करत असून रणजी संघ कर्णधार दर्शन मिसाळ निव्वळ खेळाडू या नात्याने खेळेल.

आयपीएल मेगा लिलावात स्थान मिळालेला संघाचा उपकर्णधार सुयश प्रभुदेसाई, अर्जुन तेंडुलकर यांच्या कामगिरीकडे लक्ष असेल. ईशान गडेकर, रोहन कदम, के. व्ही. सिद्धार्थ, कश्यप बखले, मोहित रेडकर, अर्जुन तेंडुलकर, शुभम तारी, हेरंब परब, फेलिक्स आलेमाव, विकास सिंग, शिवेंद्र भुजबळ, विजेश प्रभुदेसाई हे संघातील अन्य खेळाडू आहे.

Syed Mushtaq Ali Trophy T20 Cricket Tournament
Cash For Job प्रकरणातील तक्रारदारांचे मोबाईल जप्त केल्‍याचा दावा; संशयितांचे कॉल डिटेल्स, लोकेशन्‍स जाहीर करण्याचे मुख्यमंत्र्यांना आव्हान

सय्यद मुश्ताक अली करंडक टी-२० क्रिकेट स्पर्धेत गोव्याचा संघ आतापर्यंत ८९ सामने खेळला असून ३१ विजय व ५८ पराभव अशी त्यांची कामगिरी आहे. गतमोसमातील स्पर्धेत गोव्याने सात लढतीत चार विजय नोंदविले होते, तर तीन पराभव पत्करले होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com