Syed Mushtaq Ali Trophy: गोव्याचा टी-20 स्पर्धेत सलग चौथा पराभव; केरळची 11 धावांनी बाजी

Syed Mushtaq Ali T20 Cricket Trophy 2024: हैदराबादमधील पाऊसही गोव्याच्या मदतीला येऊ शकला नाही. त्यामुळे सय्यद मुश्ताक अली करंडक टी-२० क्रिकेट स्पर्धेच्या ई गटात त्यांच्यावर केरळने व्हीजेडी पद्धतीनुसार ११ धावांनी मात केली.
Goa Cricket
Goa CricketDainik Gomantak
Published on
Updated on

Syed Mushtaq Ali Trophy Goa Vs Kerala

पणजी: हैदराबादमधील पाऊसही गोव्याच्या मदतीला येऊ शकला नाही. त्यामुळे सय्यद मुश्ताक अली करंडक टी-२० क्रिकेट स्पर्धेच्या ई गटात त्यांच्यावर केरळने व्हीजेडी पद्धतीनुसार ११ धावांनी मात केली.

पावसाळी वातावरणात रविवारी प्रकाशझोतात झालेला सामना प्रत्येकी १३ षटकांचा करण्यात आला. केरळने नाणेफेक जिंकून प्रथम फलंदाजी करताना ६ बाद १४३ धावा केल्या. नंतर सलामीच्या ईशान गडेकर याच्या आक्रमक ४५ धावांच्या बळावर गोव्याने ७.५ षटकांत २ बाद ६९ धावा केल्या असता जोरदार पावसाला सुरवात झाली व नंतर खेळ होऊ शकला नाही. खेळ थांबला तेव्हा केरळचा संघ व्हीजेडी पद्धतीनुसार ११ धावांनी पुढे होता. त्यांना विजयी घोषित करण्यात आले.

गोव्याचा हा सलग चौथा पराभव ठरला. गतमोसमाच्या तुलनेत ही त्यांची अतिशय खराब कामदिरी आहे. त्यांचे आता आणखी दोन सामने बाकी आहेत. पुढील सामना तीन डिसेंबर रोजी महाराष्ट्राविरुद्ध होईल, नंतर अखेरची लढत नागालँडविरुद्ध पाच डिसेंबर रोजी खेळली जाईल.

दुखापतीमुळे डावखुरा वेगवान गोलंदाज अर्जुन तेंडुलकर केरळविरुद्धच्या लढतीत खेळू शकला नाही. त्याच्या जागी २३ वर्षांखालील संघातील सदस्य अझान थोटा याला संघात सामावून घेण्यात आले.

Goa Cricket
LPG Price Hike In Goa: गॅस सिलिंडर महागला! पाच महिन्यांत झाली भरमसाठ वाढ; नवे दर जाणून घ्या

संक्षिप्त धावफलक

केरळ ः १३ षटकांत ६ बाद १४३ (संजू सॅमसन ३१- १५ चेंडू, ४ चौकार, २ षटकार, रोहन कुन्नुम्मल १९, सलमान निझार ३४- २० चेंडू, ३ चौकार, १ षटकार, अब्दुल बाझिथ २३, एम. एन. शराफुद्दीन नाबाद ११, शुभम तारी ३-०-३३-१, मोहित रेडकर ३-०-२९-२, फेलिक्स आलेमाव ३-०-३२-२, दर्शन मिसाळ २-०-२८-०, दीपराज गावकर २-०-१८-१) वि. वि. गोवा ः ७.५ षटकांत २ बाद ६९ (ईशान गडेकर नाबाद ४५- २२ चेंडू, ४ चौकार, ३ षटकार, अझान थोटा ५, कश्यप बखले ५, सुयश प्रभुदेसाई नाबाद ९, जलाज सक्सेना २-०-५-१, बासिल थम्पी १-०-४-१).

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com