Inter State Swimming Competition: गोव्याचे जलतरणपटू 'लय भारी'! आंतरराज्य जलतरण स्पर्धेत दाखवला जलवा; पदकांची केली कमाई

पणजी: कांपाल येथील खेलो इंडिया गोवा राज्य उत्कृष्टता केंद्रातील जलतरणपटूंनी बेळगाव येथे झालेल्या आंतरराज्य जलतरण स्पर्धेत पदकांची कमाई केली. स्वीमर क्लब बेळगाव आणि ॲक्वेरियस क्लब बेळगाव यांच्यातर्फे घेण्यात आलेल्या स्पर्धेत गोव्यासह महाराष्ट्र आणि कर्नाटकातील जलतरणपटूंनी भाग घेतला होता.

कांपाल खेलो इंडिया राज्य उत्कृष्टता केंद्रातील आर्यन शर्मा, निरंजनी बोर्डे, आरोही बोर्डे, श्लोक गाड, अद्वैत दळवी, पूर्वी नाईक, तन्मय चौगुले यांनी पदके पटकावली. त्यांना केंद्राचे मुख्य प्रशिक्षक टी. ए. सुजित यांचे मार्गदर्शन लाभले.

पदक विजेते जलतरणपटू: आयर्न शर्मा (मुलगे १५-३४ गट) : ५० मीटर फ्रीस्टाईस सुवर्ण, १०० मीटर फ्रीस्टाईल ब्राँझ, निरंजनी बोर्डे (मुली १५-३४ गट) : ५० मीटर ब्रेस्टस्ट्रोक सुवर्ण, १०० मीटर ब्रेस्टस्ट्रोक सुवर्ण, २०० मीटर वैयक्तिक मेडली सुवर्ण, १०० मीटर बॅकस्ट्रोक ब्राँझ, आरोही बोर्डे (मुली १३-१४ गट) : १०० मीटर बटरफ्लाय सुवर्ण, ५० मीटर बटरफ्लाय रौप्य, ५० मीटर फ्रीस्टाईल रौप्य, २०० मीटर वैयक्तिक मेडली रौप्य, १०० मीटर फ्रीस्टाईल ब्राँझ, श्लोक गाड (मुलगे ११-१२ गट) : ५० मीटर फ्रीस्टाईल ब्राँझ, १०० मीटर फ्रीस्टाईल ब्राँझ, अद्वैत दळवी (मुलगे ११-१२ गट) : ५० मीटर फ्रीस्टाईल सुवर्ण, १०० मीटर फ्रीस्टाईल सुवर्ण, १०० मीटर बॅकस्ट्रोक सुवर्ण, १०० मीटर वैयक्तिक मेडली रौप्य, ५० मीटर बॅकस्ट्रोक ब्राँझ, पूर्वी नाईक (मुली ११-१२ गट) : ५० मीटर फ्रीस्टाईल सुवर्ण, १०० मीटर फ्रीस्टाईल रौप्य, ५० मीटर बटरफ्लाय रौप्य, १०० मीटर बटरफ्लाय रौप्य, २०० मीटर वैयक्तिक मेडली रौप्य, तन्मय चौगुले (मुलगे ९-१० गट) : १०० मीटर फ्रीस्टाईल रौप्य, ५० मीटर फ्रीस्टाईल ब्राँझपदक.