पणजी: गोव्याची २५ वर्षीय बॅटर पूर्वजा वेर्लेकर हिने २०२५-२६ मोसमातील देशांतर्गत महिला क्रिकेटमध्ये सातत्यपूर्ण कामगिरी बजावली. त्या आधारे निवड झाल्यानंतर तिने भारत ‘अ’ महिला संघातून जून महिन्यात आंतरराष्ट्रीय पदार्पण केले, आता तिला आगामी वूमन्स प्रीमियर लीग (डब्ल्यूपीएल) लिलाव यादीत सामावून घेतले आहे. डब्ल्यूपीएल लिलावात समावेश असलेली पूर्वजा ही गोवा क्रिकेट असोसिएशनची एकमेव क्रिकेटपटू आहे. केरळमधील कोची येथे २८ ऑक्टोबर रोजी स्पर्धेसाठी खेळाडू लिलाव होईल.
या प्रक्रियेसाठी एकूण १४६ खेळाडूंची निवड करण्यात आली असून ११९ भारतीय महिला क्रिकेटपटू आहेत. अनकॅप्ड गटात असलेल्या पूर्वजा हिच्यासाठी बोली रक्कम १० लाख रुपये आहे.
गोव्याची अनुभवी कसोटी-आंतरराष्ट्रीय महिला खेळाडू शिखा पांडे डब्ल्यूपीएल स्पर्धेत सलग पाचवा मोसम खेळणार आहे. या वेगवान गोलंदाजास यूपी वॉरियर्सने २०२६-२७ मोसमासाठी राखले आहे. डब्ल्यूपीएल स्पर्धेच्या पहिल्या तीन स्पर्धांत दिल्ली कॅपिटल्सकडून खेळल्यानंतर गतवर्षी यूपी वॉरियर्सने लिलावात शिखा हिला २.४० कोटी रुपयांत करारबद्ध केले होते. शिखा हिने आतापर्यंत डब्ल्यूपीएल स्पर्धेतील ३५ सामन्यांत ३७ विकेट्स टिपल्या आहेत.
गोव्यातर्फे (Goa) ६ टी-२० सामन्यांत १२५ धावा, १ अर्धशतक
एकदिवसीय स्पर्धेत गोव्यातर्फे ७ सामन्यांत ४४६ धावा, १ शतक व ३ अर्धशतके
आंतरविभागीय एकदिवसीय करंडक स्पर्धेत दक्षिण विभागाकडून ४ सामन्यांत १६४ धावा, १ शतक
आंतरविभागीय मल्टि-डे करंडक स्पर्धेत दक्षिण विभागातर्फे १ सामना, २९ धावा
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
