पणजी: गोवा क्रिकेट असोसिएशनने (जीसीए) सीनियर महिला संघासाठी नवी कर्णधार नियुक्त केली असून विकेटकीपर-बॅटर विनवी गुरव हिच्या नेतृत्वाखाली संघ येत्या बुधवारपासून (ता. ८) टी-२० क्रिकेट स्पर्धेत खेळेल.
आंतरराष्ट्रीय क्रिकेटपटू शिखा पांडे हिने २०२५-२६ मोसमात गोव्याकडून न खेळण्याचे ठरविल्यानंतर विनवी गुरव हिच्याकडे नेतृत्वाची जबाबदारी आली आहे. संघात सुनंदा येत्रेकर, श्रेया परब, संजुला नाईक, पूर्वा भाईडकर, पूर्वजा वेर्लेकर या अनुभवी खेळाडूंचा समावेश आहे. युवा गोलंदाज उस्मा खान व विधी भांडारे यांच्यासाठी स्पर्धा महत्त्वाची असेल.
स्पर्धेतील सामने छत्तीसगडमधील रायपूर येथे खेळले जातील. गोव्याच्या एलिट ‘ड’ गटात उत्तराखंड, झारखंड, चंडीगड, दिल्ली, रेल्वे व आसाम या संघांचा समावेश आहे. माजी आंतरराष्ट्रीय खेळाडू दिल्लीच्या नेहा तंवर संघाच्या प्रशिक्षक आहेत.
संघातील खेळाडू ः विनवी गुरव (कर्णधार), पूर्वजा वेर्लेकर, हर्षिता यादव, संजुला नाईक, पूर्वा भाईडकर, तनिशा गायकवाड, सुनंदा येत्रेकर, श्रेया परब, विधी भांडारे, मेताली गवंडर, उस्मा खान, तनया नाईक, हर्षदा कदम, दिव्या नाईक, दीक्षा आमोणकर, अँजेल डिकॉस्ता, पलक आरोंदेकर.
तारीख ८ ऑक्टोबर - विरुद्ध उत्तराखंड, तारीख ९ ऑक्टोबर - विरुद्ध झारखंड, तारीख ११ ऑक्टोबर - विरुद्ध चंडीगड, तारीख १३ ऑक्टोबर - विरुद्ध दिल्ली, तारीख १७ ऑक्टोबर - विरुद्ध रेल्वे, तारीख १९ ऑक्टोबर - विरुद्ध आसाम.
२०२४-२५ मध्ये गोव्याचा सीनियर महिला संघ टी-२० एलिट अ गटात खेळला होता. ७ सामन्यांत त्यांनी ३ विजय नोंदविले, तर ४ लढतीत पराभव पत्करावा लागला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.