पणजी ः उदयोन्मुख फलंदाज शंतनू नेवगी व यश कसवणकर यांच्या धडाकेबाज शतकांनी जीसीए प्रीमियर लीग क्रिकेट स्पर्धेच्या तिसऱ्या फेरीतील पहिला दिवस गाजवला. या युवा फलंदाजांच्या शतकांमुळे साळगावकर क्रिकेट क्लबने मंगळवारी पणजी जिमखान्याविरुद्ध ४ बाद ३१८ धावा केल्या.
हरवळे-साखळी येथील नॅपेक्स मैदानावर सुरू असलेल्या या सामन्यात शंतनू व यश यांनी तिसऱ्या विकेटसाठी १५६ धावांची भागीदारी केली. शंतनू याने १७० चेंडूंत १६ चौकारांच्या मदतीने ११० धावा केल्या. यश १०० धावांवर नाबाद आहे. त्याने १८० चेंडूंचा सामना करताना डझनभर चौकार मारले.
पर्वरी येथील जीसीए अकादमी मैदानावर गोव्याचा अनुभवी डावखुरा फिरकी गोलंदाज दर्शन मिसाळ (५-२९) याने यंदा स्पर्धेत तिसऱ्यांदा डावात पाच गडी बाद केले. त्यामुळे गतविजेत्या चौगुले स्पोर्ट्स क्लबला धेंपो क्रिकेट क्लबवर पहिल्या डावात ११७ धावांची आघाडी घेता आली.
मात्र, सामन्याच्या पहिल्याच दिवशी २२ गडी बाद झाले. स्पर्धेतील आणखी एका सामन्यात कोटार्ली-सांगे येथील जीसीए मैदानावर मडगाव क्रिकेट क्लबने जीनो स्पोर्ट्स क्लबविरुद्ध पहिल्या डावात २३८ धावा केल्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
