पणजी: राज्य सरकार-नियुक्त जीवनरक्षक संस्था दृष्टी मरीनने अलीकडेच झालेल्या २१व्या राष्ट्रीय मास्टर्स जलतरण स्पर्धेत धडाका राखला. हैदराबाद येथे झालेल्या या स्पर्धेत संस्थेच्या जलतरणपटूंनी पाच सुवर्ण, एक रौप्य व दोन ब्राँझपदकांची कमाई केली.
दृष्टी मरीनचे व्यवस्थापकीय संचालकपदी कार्यरत असलेल्या अंकित सोमाणी याने ४० ते ४४ वर्षे वयोगटात ५० मीटर फ्रीस्टाईल, १०० मीटर ब्रेस्टस्ट्रोक, ५० मीटर बॅकस्ट्रोकमध्ये सुवर्ण, १०० मीटर फ्रीस्टाईलमध्ये रौप्यपदक जिंकले. सांघिक पातळीवर ४ बाय ५० मीटर फ्रीस्टाईल व ४ बाय ५० मीटर मेडली रिलेत सुवर्णपदक प्राप्त केले.
इतर पदकविजेत्यांमध्ये, दृष्टी मरीनचे लाइफसेव्हर अश्विन घाग (४०-४४ वयोगट) याने १०० मीटर ब्रेस्टस्ट्रोकमध्ये ब्राँझपदक मिळविले. लाइफसेव्हर आकाश फुलकार (३०-३४ वयोगट) याने ५० मीटर फ्रीस्टाईलमध्ये ब्राँझपदक मिळविले, तसेच १०० मीटर, २०० मीटर. आणि ४०० मीटर फ्रीस्टाईल स्पर्धेत था क्रमांक प्राप्त केला.
दृष्टी मरीनच्या अन्य जलतरणपटूंत विनोद सालेलकर (४५-४९ वयोगट), सखाराम बांदेकर (५-५९ वयोगट), सरत मिश्रा (४-४९ वयोगट), दीपक वेळीप (३०-३४ वयोगट) यांचीही कामगिरी उल्लेखनीय ठरली. दृष्टी मरीनचे सीईओ नवीन अवस्थी यांनी संस्थेच्या जलतरणपटूंचे कौतुक केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.