I League Football: धेंपो क्लबच्या ‘सुपर सब’ची कमाल! दिल्ली एफसीविरोधात नोंदवला शानदार विजय; नेस्टरचा गोल ठरला निर्णायक

Dempo Club SC Defeats Delhi FC: सात मिनिटे बाकी असताना नेस्टर डायस याने नोंदवलेल्या गोलच्या बळावर धेंपो स्पोर्टस क्लबने आय-लीग फुटबॉल स्पर्धेत दिल्ली एफसीवर १-० फरकाने मात केली.
I League Football: धेंपो क्लबच्या ‘सुपर सब’ची कमाल! दिल्ली एफसीविरोधात नोंदवला शानदार विजय; नेस्टरचा गोल ठरला निर्णायक
Dempo Club SC Defeats Delhi FCDainik Gomantak
Published on
Updated on

पणजी: मुख्य प्रशिक्षक समीर नाईक यांचा निर्णायक टप्प्यावर ‘सुपर सब’ (बदली खेळाडू) मैदानात उतरविण्याचा निर्णय समयोचित ठरला. सात मिनिटे बाकी असताना नेस्टर डायस याने नोंदवलेल्या गोलच्या बळावर धेंपो स्पोर्टस क्लबने आय-लीग फुटबॉल (Football) स्पर्धेत दिल्ली एफसीवर १-० फरकाने मात केली आणि पाच सामन्यानंतर पूर्ण तीन गुणांची कमाई केली.

सामना बुधवारी फातोर्डा येथील पंडित जवाहरलाल नेहरू स्टेडियमवर झाला. मागील पाच सामन्यांत चार विजय व एक बरोबरी अशी निराशाजनक कामगिरी केलेल्या पाच वेळच्या माजी विजेत्या धेंपो स्पोर्टस क्लबच्या युवा संघाने बुधवारी शानदार खेळ केला. प्रशिक्षक समीर यांनी प्रारंभी सर्व अकरा भारतीय खेळाडूंचा संघ मैदानात उतरविला. संघाने आक्रमक खेळ केला, पण संधीचे गोलमध्ये त्यांना रुपांतर करता येत नव्हते. सामन्याच्या ७४व्या मिनिटास समीर यांनी संघात तीन बदल केले. नेस्टर, कपिल होबळे, तसेच दुखापतीतून सावरलेला अर्जेंटिनाचा ख्रिस्तियन दामियन रोआ या बदली खेळाडूंना मैदानात धाडले. नऊ मिनिटानंतर माजी विजेत्यांना आघाडी मिळाली. कपिलच्या असिस्टवर नेस्टरने गोलशून्य बरोबरीची कोंडी फोडली.

I League Football: धेंपो क्लबच्या ‘सुपर सब’ची कमाल! दिल्ली एफसीविरोधात नोंदवला शानदार विजय; नेस्टरचा गोल ठरला निर्णायक
I League Football: धेंपो क्लब, राजस्थान सामना सुटला बरोबरीत! निर्णायक क्षणी गोलरक्षक आशिषने अडवला पेनल्टी फटका

धेंपो क्लबचा हा एकंदरीत चौथा विजय ठरला. त्यांचे ११ लढतीतून १४ गुण झाले असून गुणतक्त्यात सातवा क्रमांक मिळाला आहे. धेंपो क्लबचा पुढील सामना फातोर्डा येथेच राजस्थान युनायटेडविरुद्ध होईल. दिल्ली एफसीची निराशाजनक कामगिरी कायम राहिली. त्यांना सहावा पराभव पत्करावा लागला. त्यामुळे ११ लढतीनंतर ते नऊ गुणांसह अकराव्या क्रमांकावर कायम आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com