Women's Kabaddi Championship: गोव्याच्या महिलांचा गतविजेत्या हरियानाला धक्का! राष्ट्रीय कबड्डी स्पर्धेत दमदार खेळाचे प्रदर्शन

Women's Kabaddi Championship Goa Vs Haryana

पणजी: गोव्याच्या महिला कबड्डी संघाने ७१व्या राष्ट्रीय सीनियर महिला कबड्डी स्पर्धेत धक्कादायक विजय नोंदविताना रविवारी गतविजेत्या यजमान हरियाना पराभवाचा धक्का दिला. स्पर्धेची उपउपांत्यपूर्व फेरी गाठताना त्यांनी फ गटात अव्वल क्रमांक पटकावला.

गोव्याच्या महिला संघाने अखेरच्या साखळी लढतीत हरियानाला २४-१७ गुणफरकाने हरविले. त्यापूर्वी गोव्याने मणिपूरला ४५-३५ असे, तर विदर्भाला ५६-१६ असे पराभूत केले होते. बाद फेरीत गोव्याच्या महिलांसमोर छत्तीसगडचे आव्हान असेल.

अमॅच्युअर कबड्डी फेडरेशन ऑफ इंडिया (AKFI) आणि अमॅच्युअर कबड्डी असोसिएशन हरियाणा यांच्या संयुक्त विद्यमाने 71वी सिनियर राष्ट्रीय कबड्डी अजिंक्यपद स्पर्धा – महिला आयोजित केली आहे. ही प्रतिष्ठित स्पर्धा आता 15 ते 18 फेब्रुवारी 2025 दरम्यान आर्य कन्या गुरुकुल, मोर माजरा, करनाल, हरियाणा येथे सुरु आहे.