Shashi Tharoor Tweet : आर्यन खानची वेब सीरीज बघून शशी थरूर यांनी केले ट्विट, शाहरुखला म्हणाले, "एक बाप म्हणून तुला... "

Aryan Khan Web Series Review: काँग्रेस खासदार आणि प्रसिद्ध लेखक शशि थरूर यांनी बॉलिवूड सुपरस्टार शाहरुख खानचा मुलगा आर्यन खान याच्या दिग्दर्शकीय पदार्पणातील वेब सीरीजची प्रशंसा करत सोशल मीडियावर एक विस्तृत पोस्ट शेअर केली आहे. सर्दी आणि खोकल्यामुळे त्यांनी आपले दोन दिवसांचे नियोजित कार्यक्रम रद्द केले होते. याच काळात, त्यांची बहीण स्मिता थरूर आणि कर्मचाऱ्यांनी त्यांना ही सीरीज पाहण्याचा सल्ला दिला असं ते म्हणालेत.

थरूर यांनी 'X' वर पोस्ट करत सांगितले की, "हा माझ्यासाठी आतापर्यंतच्या सर्वोत्तम अनुभवांपैकी एक ठरला आहे: एब्सोल्यूट OTT GOLD!" त्यांनी पुढे लिहिले की, आर्यन खानची ही सीरीज नुकतीच पाहून झाली आणि स्तुती करण्यासाठी माझ्याकडे शब्द नाहीत.

'निर्भीड दिग्दर्शन आणि धारदार लेखन'

थरूर यांनी आर्यन खानच्या निर्मितीची प्रशंसा करताना म्हटले की, या सीरीजची सवय होण्यास थोडा वेळ लागतो, पण त्यानंतर आपण आपोआप तिच्याशी जोडले जातो. वेब सिरीजबद्दल पुढे लिहिताना ते म्हणालेत की, "लेखन धारदार आहे, दिग्दर्शन निडर आहे आणि या व्यंग्याची निखळ हिम्मतच बॉलिवूडला आवश्यक होती.

एक अलौकिक, अनेकदा मजेदार, कधीकधी भावूक आणि नेहमीच ग्लॅमरच्या पलीकडे पाहणारी, प्रत्येक सिनेमाई क्लीशेवर धारदार बुद्धिमत्तेने वार करणारी ही वेब सिरीज आहे. यातील 'इनसाइडर जोक्स' प्रेक्षकांना पडद्यामागील घटनांशी जोडतात.

शाहरुख खानसाठी भावनिक संदेश

थरूर यांनी आपल्या समीक्षेचा समारोप करताना आर्यन खानसाठी खास संदेश लिहिला: "आर्यन खान, तुला सलाम! तू एक उत्कृष्ट कलाकृती दिली आहेस. यासोबतच, त्यांनी आर्यनचे वडील आणि या सीरीजचे निर्माते शाहरुख खान यांना टॅग करत एक भावनिक संदेश दिला, ते म्हणाले की, "एका पिता म्हणून दुसऱ्या पित्याला, मला सांगायचे आहे, तुम्हाला निश्चितच खूप अभिमान वाटत असेल!!" शाहरुख खानच्या 'रेड चिलीज एंटरटेनमेंट'ने नेटफ्लिक्ससाठी ही सीरीज तयार केली आहे.