गोव्यात विश्वजीत राणेंना मिळणार दुसऱ्या क्रमांकाची जबाबदारी?

गोवा: गोव्यातील विधानसभा निवडणुकीचा निकाल लागून आज दहा दिवस उलटून गेले; भाजप सर्वाधिक जागा जिंकून आलेला पक्ष असला तरीही भाजपने अजूनही सत्ता स्थापनेचा दावा केलेला नाही. तसेच विधिमंडळातील नेत्यांची निवड देखील अद्याप करण्यात आलेली नाही राज्यात गोव्याची विधानसभा निवडणूक ही संपूर्ण देशभरात चर्चेचा विषय ठरली होती.(Vishwajeet Rane is likely to get second position in the goa Assembly)

भाजपला एक हाती सत्ता मिळाल्यानंतर गोव्याच्या (Goa) चर्चांना पूर्णविराम मिळेल अशी अपेक्षा होती मात्र मुख्यमंत्री प्रमोद सावंत तसेच विश्वजित राणे (Vishwajeet Rane) यांच्यातील मुख्यमंत्रीपदाच्या वादाच्या चर्चा सध्या देशभर गाजू लागल्या आहेत.

मुख्यमंत्रिपदाच्या चर्चेसाठी प्रमोद सावंत (Pramod Sawant) आत्तापर्यंत तब्बल दोन वेळा दिल्लीला जाऊन आलेले आहेत यातच शनिवारी रात्री उशिरा काळजीवाहू मुख्यमंत्री प्रमोद सावंत आणि विश्वजीत राणे यांना गृहमंत्री अमित शहा (Amit Shah), पक्षाध्यक्ष जे. पी. नड्डा यांनी दिल्लीला बोलावून सविस्तर चर्चा केली. त्यानंतर सावंत हे रविवारी पहाटे गोव्यात परतले. समोर आलेल्या चर्चेमधुन मुख्यमंत्रीपदाची जबाबदारी ही पुन्हा एकदा प्रमोद सावंत यांच्या खांद्यावर राहणार असल्याचे समोर आले आहे.

तसेच विश्वजित राणे यांना मंत्रिमंडळातील महत्त्वाचे आणि दुसऱ्या क्रमांकाचे स्थान देण्यात येणार असल्याची माहिती समोर येत आहे. महत्त्वाची बाब म्हणजे मागील तीन दिवसांपासून विश्‍वजित राणे हे दिल्लीतच तळ ठोकून आहेत.

गोवा विधानसभेत कुणाला किती जागा मिळाल्या...?

भाजप : 20

काँग्रेस : 11

आप : 2

मगो : 2

आरजीपी : 1

अपक्ष : 3

गोवा फॉरवर्ड पार्टी : 1

तृणमूल काँग्रेस : 0

राष्ट्रवादी : 0