कळंगुट: राज्यातील चाळीस मतदारसंघासाठी आज (सोमवारी) झालेल्या मतदानात बार्देशातील कळंगुट तसेच शिवोलीत 80 टक्क्यांहून अधिक मतदान झाले. शिवोलीतून सर्वाधिक उमेदवार निवडणुकीच्या रिंगणात उभे होते.
सोमवारी संध्याकाळी झालेल्या मतदानानंतर शिवोलीच्या (Siolim) रिंगणातील सर्वच मतदारांनी आपापल्या विजयाची खात्री पत्रकारांशी बोलताना दिली. सोमवारी सकाळी सुरू झालेल्या मतदानानंतर पर्रा येथील भाटीवाड्यातील प्राथमिक शाळेच्या मतदान केंद्रात सकाळी अकरा वाजण्याच्या दरम्यान यंत्रणेत बिघाड झाल्याची बातमी वायरल झाली.
मात्र, तेथे उपस्थित असलेले माजी मंत्री मायकल लोबो (Michael Lobo) यांनी त्वरित निवडणूक अधिकाऱ्यांना या याबाबत माहिती दिली. सडये पंचायत क्षेत्रातही मशिनमध्ये काही काळ बिघाड झाला. त्यामुळे पूर्वीप्रमाणेच बॅलेट पेपरचा वापर करून मतदान घेणे अधिक सोयीस्कर असल्याचे अमृत आगरवाडेकर म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
