बाणावलीमध्ये जिंकुन येण्याचा चर्चिल यांनी व्यक्त केला विश्वास

मडगाव: तृणमूल काँग्रेसचे नेते चर्चिल आलेमाओ यांनी शनिवारी पत्रकारांशी संवाद साधला दरम्यान ते म्हणाले की, बाणावली मध्ये त्यांची जागा कायम ठेवत आपणच जिंकु असा विश्वास त्यांनी दाखवला. चर्चिल यांनी पुढे बाणावली मतदारसंघातील कार्मोणा, सुरावली आणि केळशी या गावांमधील पंचायत प्रभागांच्या मसुद्यामधील विसंगती सुधारण्याची मागणी केली. (Churchill Alemao expressed confidence in winning the battle of goa election)

प्रसारमाध्यमांशी बोलताना चर्चिल (Charchil Alemao) म्हणाले की, त्यांना बाणावलीमध्ये जागा कायम ठेवण्याचा विश्वास आहे, परंतु 10 मार्च नंतर राज्यात येणाऱ्या सरकारचा भाग असेल की नाही हे स्पष्टपणे सांगू शकत नाही.

ते पुढे म्हणाले “काँग्रेस (Goa Congress) आणि भाजप या दोन्ही पक्षांनी सरकार स्थापन करण्याचा विश्वास व्यक्त केला आहे. अगदी टीएमसी-एमजीपी युती आणि गोवा फॉरवर्ड पार्टीनेही पुढचे सरकार स्थापन करण्याचा विश्वास व्यक्त केला आहे. अशा परिस्थितीत, 10 मार्च रोजी निवडणुकीच्या निकालाची प्रतीक्षा करणे ही सर्वात चांगली गोष्ट आहे.

दरम्यान, भाजपने (Goa BJP) समर्थनासाठी त्यांच्याशी संपर्क साधला आहे की नाही यावर भाष्य करण्यास त्यांनी नकार दिला तसेच सरकार स्थापन करण्यासाठी ते कोणत्या पक्षाला किंवा गटाला पाठिंबा देतील या मुद्द्यावर त्यांनी भाष्य टाळले.

“राजकारणात कोणतीही शक्यता नाकारता कामा नये. 10 मार्चच्या निकालाची उत्सुकता असणारच आहे. मात्र लोकांचा निर्णय अजूनही ईव्हीएममध्ये असताना मायकल लोबो मुख्यमंत्रीपदासाठी दावा करण्यासाठी दिल्लीला जाणार असल्याचे त्यांनी स्पष्ट केले ”राज्य निवडणूक आयोगाने सीमांकन आराखडा मंजूर करण्यापूर्वी विसंगती दुरुस्त करण्याच्या विनंतीसह सोमवारी जिल्हाधिकार्‍यांना दक्षिणेची भेट घेण्याची योजना त्यांनी स्पष्ट केली.