पणजी: गोव्यात 20 जागा जिंकणाऱ्या भारतीय जनता पक्षाच्या (भाजप) मतांच्या टक्केवारीत किरकोळ वाढ झाली आहे. यावेळी भाजपने 33.3% मते मिळवली. गोवा विधानसभा निवडणुकीत भाजपने सर्व 40 जागा लढवल्या होत्या. यातील 20 जागा जिंकण्यात त्यांना यश आले. पक्षाला एकूण 3,16,573 मते मिळाली आहेत.
काँग्रेसने (Congress) 37 जागा लढवल्या आणि 2,22,948 मते मिळवली. पक्षाला 11 मतदारसंघात विजय प्राप्त झाला. कॉंग्रेस बरोबर युती केलेल्या गोवा फॉरवर्ड पार्टीला (GFP) एका जागेवर समाधान मानावे लागले. पक्षाला 1.84% मते मिळाली.
महाराष्ट्रवादी गोमंतक पक्षाच्या मतांच्या टक्केवारीत घसरण झाली आहे. मागील निवडणुकीत पक्षाला 11% मते मिळाली होती. मात्र या वर्षी तो आकडा घसरून 7.6 टक्क्यांवर आला आहे. मगोपला एकूण 72,269 मते मिळाली. यामुळे मगोपला 2 जागा जिंकता आल्या.
आम आदमी पार्टी (AAP) ने दोन जागा जिंकत 64,354 मते मिळवली. तृणमूल काँग्रेस पार्टीने (TMC) 5.21 टक्के मते मिळवली. रिव्होल्युशनरी गोवान्स पार्टी (आरजीपी), राष्ट्रवादी काँग्रेस पार्टी (एनसीपी) आणि अपक्षांसह इतर पक्षांची मते 19.37 टक्के आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
