पणजी: आम आदमी पार्टी (आप) गोवा प्रभारी आतिशी मार्लेना यांनी दावा केला आहे की आगामी गोवा विधानसभा निवडणुकीसाठी भारतीय जनता पक्ष आणि काँग्रेस पक्षाने षडयंत्र रचले आहे. त्यांच्या दाव्यानुसार, भाजपने कॉंग्रेसच्या चिन्हावर आपले सात उमेदवार उभे केले आहेत आणि भाजप त्यांना निवडणूक (Election) लढवण्यासाठी आर्थिक मदत देखील करत आहे.
आतिशी म्हणाल्या की, भाजप सरकारच्या वाईट कारभारामुळे त्यांनी गोवावासीयांचा रोष ओढावून घेतला आहे. मागील निवडणुकीत भाजपला 40 पैकी 15 मतदारसंघांमध्ये देखील विजय मिळवता आलेला नाही आणि म्हणूनच यावेळी सरकार स्थापन करण्यासाठी भाजपने पुन्हा एकदा काँग्रेसशी जुळवून घेतले आहे. काँग्रेसच्या तिकिटावर भाजपचे (BJP) माजी उमेदवार विजयी झाल्यानंतर ते पुन्हा भाजपमध्ये प्रवेश करणार आहेत. हा सरकार स्थापन करण्याचा भाजपचा 'मास्टर प्लॅन' आहे.
प्रसारमाध्यमांना संबोधित करताना आतिशी म्हणाल्या, “गेल्या अनेक वर्षांपासून भाजपला 40 पैकी 15 जागा सुद्धा जिंकता आल्या नाहीत. भाजपने आता हे मान्य केले आहे की ते स्वतःहून सरकार स्थापन करू शकत नाहीत, म्हणून त्यांनी काँग्रेसकडे आपले सात उमेदवार पाठवले आहेत. भाजपमधून काँग्रेसचे (Congress) उमेदवार विजयी होताच, भाजपचे माजी नेते पुन्हा भाजपमध्ये सामील होऊन सरकार स्थापन करतील. भाजपच्या विरोधात तीव्र सत्ताविरोधी भावना आहे आणि म्हणूनच भाजप त्यांना प्रचारासाठी निधी देत आहे.
त्या पुढे म्हणाल्या, “2012 मध्ये भाजपमध्ये सामील झालेले नावेली काँग्रेसचे उमेदवार अफुर्ताडो यांनी काँग्रेसमध्ये प्रवेश केला. त्यांनी अनेक वर्षे मंत्री म्हणून काम केले असून देखील शेवटी पक्ष बदलला. निवडून आल्यानंतर ते पुन्हा भाजपमध्ये प्रवेश करतील. हेच कॉग्रेस कुडतरीचे उमेदवार मोरेनो रेबेलो यांच्या बाबतीतही खरे आहे.”
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
