रशिया आणि युक्रेन यांच्यात मागील दीड महिन्यांपासून युध्द सुरु आहे. याच पाश्वभूमीवर युक्रेनचे राष्ट्राध्यक्ष वोलोडिमिर झेलेन्स्की (Volodymyr Zelenskyy) आज संयुक्त राष्ट्र सुरक्षा परिषदेला संबोधित करणार आहेत. राष्ट्राध्यक्ष वोलोडिमिर झेलेन्स्की मंगळवारी सुरक्षा परिषदेत भाषण देतील. यादरम्यान ते रशियाचा (Russia) हल्ला आणि युक्रेनमधील (Ukraine) नागरिकांच्या हत्येबाबत बोलणार आहेत. दुसरीकडे, रशिया पूर्व युक्रेनमध्ये हजारो सैन्य तैनात करण्याचा विचार करत असल्याची भीती अमेरिकेला वाटत आहे. अमेरिकेचे अध्यक्ष जो बायडन यांचे राष्ट्रीय सुरक्षा सल्लागार जेक सुलिव्हन यांनी सोमवारी सांगितले की, 'रशिया आपले लक्ष देशाच्या दक्षिण आणि पूर्वेकडे वळवत आहे.'
युध्दासंबंधी महत्त्वाच्या घडामोडी:
युक्रेनचे राष्ट्राध्यक्ष वोलोडिमिर झेलेन्स्की सोमवारी, म्हणाले की, ''रशियन सैन्याच्या ताब्यापासून मुक्त झाल्यानंतर बुका शहरात सामूहिक कबरी सापडल्या आहेत. लोकांचे मृतदेह सापडले आहेत. युध्दात किमान 300 नागरिक मारले गेले आहेत. बोरोदंका आणि इतर शहरांमध्येही जीवितहानी वाढू शकते.'
"मला यावर जोर द्यायचा आहे की, आम्हाला शक्य तितक्या पूर्ण, पारदर्शक तपासात रस आहे. ज्याचे परिणाम संपूर्ण आंतरराष्ट्रीय समुदायाला ज्ञात आणि स्पष्ट केले जातील," झेलेन्स्की यांनी व्हिडिओ संबोधनात सांगितले.
युक्रेनचे परराष्ट्र मंत्री दिमित्री कुलेबा यांनी मंगळवारी सांगितले की, 'रशियाला संयुक्त राष्ट्र मानवाधिकार परिषदेत स्थान मिळू नये.'
पेंटागॉनच्या एका निवेदनात म्हटले आहे की, "बुका शहरातील अत्याचाराला रशियन सैन्य जबाबदार आहे, हे केवळ आपल्यासाठीच नाही तर जगाला स्पष्ट झाले आहे." पेंटागॉनचे प्रवक्ते जॉन किर्बी यांनी पत्रकार परिषदेत हे वक्तव्य केले.
अमेरिकेचे राष्ट्रीय सुरक्षा सल्लागार जेक सुलिव्हन म्हणाले की, ''युनायटेड स्टेट्स अनेक आघाड्यांवर राष्ट्राध्यक्ष व्लादिमीर पुतिन यांच्यावर दबाव आणत आहे. मॉस्कोवर अधिक निर्बंध, युक्रेनसाठी अधिक शस्त्रे आणि रशियन सैन्याने केलेल्या कथित युद्ध गुन्ह्यांची चौकशी, यासंबंधी अमेरिका कारवाई करत आहे.'' सुलिव्हन यांनी व्हाईट हाऊसमध्ये पत्रकारांशी बोलताना सांगितले की, "या क्षणी आम्हाला विश्वास आहे की, रशिया आपले उद्दिष्ट बदलत आहे." त्याला "युक्रेनच्या पूर्व आणि दक्षिणेकडील भागांवर" लक्ष केंद्रित करायचे आहे.
युक्रेनमधील बुचा शहरात झालेल्या हत्येबद्दल जर्मनीने 40 रशियन राजदूतांची हकालपट्टी केली आहे. आणि विशेष म्हणजे ते सहयोगी देशांसोबत पुढील पावले उचलण्याची तयारी करत असल्याचे सांगितले आहे.
युक्रेनच्या काही प्रदेशांच्या रस्त्यावर नागरिक मारले जात असल्याच्या वृत्तानंतर ब्रिटनने सोमवारी रशियाचे अध्यक्ष व्लादिमीर पुतिन यांच्या राजवटीच्या विरोधात निर्बंध अधिक कडक केले.
ब्रिटनचे परराष्ट्र मंत्री लिझ ट्रस पोलंडला युक्रेनचे परराष्ट्र मंत्री दिमित्रो कुलेबा आणि पोलंडचे परराष्ट्र मंत्री झ्बिग्नीव राऊ यांना भेटण्यासाठी रवाना झाले आहेत.
ब्रिटनचे पंतप्रधान बोरिस जॉन्सन (Boris Johnson) म्हणाले, "रशियाचे इरपिन आणि बुचा येथील निरपराध नागरिकांवरील घृणास्पद हल्ले हे पुरावे आहेत की, पुतीन आणि त्यांचे सैन्य युक्रेनमध्ये युद्धाच्या नावाखाली नासधूस करत आहेत." किंवा प्रचार ते लपवू शकत नाही. जे सत्य आहे ते सर्वांना माहीत आहे.
पंतप्रधान नरेंद्र मोदी (Prime Minister Narendra Modi) यांनी सोमवारी त्यांचे इस्रायली पंतप्रधान नफ्ताली बेनेट यांच्याशी चर्चा केली. दरम्यान दोन्ही नेत्यांनी युक्रेनमधील सद्य परिस्थितीसह विविध भू-राजकीय घडामोडींवर तपशीलवार चर्चा केली. गेल्या सोमवारी बेनेट यांना कोरोनाची लागण झाली होती. त्यामुळे त्यांचा भारत दौरा पुढे ढकलण्यात आला होता. भेट पुढे ढकलल्यानंतर दोन्ही नेत्यांमधील ही पहिलीच चर्चा आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
