Turkey Election 2023: एर्दोगान पुन्हा एकदा बनले तुर्कीचे राष्ट्राध्यक्ष, सलग 11व्यांदा जिंकली निवडणूक

Turkey Election 2023: तुर्कीच्या अध्यक्षपदाच्या निवडणुकीत रेसेप तय्यप एर्दोगन यांनी पुन्हा एकदा विजय मिळवला आहे.
Recep Tayyip Erdogan
Recep Tayyip ErdoganDainik Gomantak

Turkey Election 2023: तुर्कीच्या अध्यक्षपदाच्या निवडणुकीत रेसेप तय्यप एर्दोगन यांनी पुन्हा एकदा विजय मिळवला आहे.

त्यांनी आतापर्यंत सलग 11 वेळा निवडणूक जिंकली आहे. दीर्घकाळ सत्तेत असलेल्या रेसेप तय्यप एर्दोगन यांची विरोधी पक्षनेते केमाल केलिकदारोग्लू यांच्याशी कडवी झुंज होती.

यापूर्वी, 14 मे रोजी मतदानाचा पहिला टप्पा पार पडला होता, ज्यामध्ये कोणत्याही उमेदवाराला 50% पेक्षा जास्त मते मिळाली नव्हती, त्यामुळे रनऑफ फेरी करण्यात आली होती.

त्यातही आता एर्दोगन यांनी बाजी मारली आहे. एर्दोगन यांना एकूण 97 टक्के मतांपैकी 52.1 टक्के तर केमाल यांना 47.9 टक्के मते मिळाली आहेत.

Recep Tayyip Erdogan
Turkey Drone: तुर्कीने पाकिस्तानला दिले घातक ड्रोन, काश्मीर हा...

तमीम बिन हमाद यांनी अभिनंदन केले

एर्दोगन यांच्या विजयावर कतारचे (Qatar) तमीम बिन हमाद यांनी ट्विट करुन त्यांचे अभिनंदन केले आहे. ते म्हणाले की, "विजयाबद्दल अभिनंदन, नवीन कार्यकाळात यशासाठी शुभेच्छा".

Recep Tayyip Erdogan
Turkey Earthquake: 6 तासात रुग्णालय सज्ज, 3600 रुग्णांवर उपचार; तुर्की जनतेने भारतीय जवानांचे मानले आभार

रेसेप तय्यप एर्दोगन यांच्या आश्वासनांवर एक नजर

रेसेप तय्यप एर्दोगन यांनी यावेळी राष्ट्रपतीपदाच्या निवडणुकीत (Election) लोकांना अनेक आश्वासने दिली होती, ज्यात भूकंपग्रस्त भागात 6 लाख 50 हजार नवीन घरे बांधणे, महागाई दर 20 टक्क्यांपर्यंत कमी करणे, सध्या 44 टक्के आहे.

यानंतर, त्यात 2024 पर्यंत महागाईचा दर 10 टक्क्यांपर्यंत कमी करणे, सीरियन निर्वासितांना त्यांच्या मायदेशी परत पाठवणे आणि सीरियाच्या राष्ट्राध्यक्षांशी समझोता करणे देखील समाविष्ट आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com