Mali: मध्य मालीमध्ये आत्मघाती बॉम्बस्फोट, 9 ठार, 60 हून अधिक जखमी

Mali Blast: मध्य मालीमध्ये शनिवारी आत्मघातकी हल्ला झाला. मीडिया रिपोर्ट्सनुसार, आत्मघाती बॉम्ब हल्ल्यात 9 लोकांचा मृत्यू झाला, तर या भीषण स्फोटात 60 हून अधिक लोक जखमी झाले.

रॉयटर्सच्या वृत्तानुसार, या बॉम्बस्फोटामुळे परिसरात दहशतीचे वातावरण आहे. पोलिसांनी या घटनेबाबत सांगितले की, ते या प्रकरणाचा तपास करत आहेत. मृतांची ओळख अद्याप पटलेली नाही. अपघातात जखमी झालेल्यांना उपचारासाठी रुग्णालयात पाठवण्यात आले आहे.

मीडिया रिपोर्ट्सनुसार मृतांचा आकडा वाढू शकतो. पोलिसांनी दिलेल्या माहितीनुसार, काही जणांचा गंभीर दुखापतीमुळे मृत्यू झाला असून काहींची प्रकृती चिंताजनक आहे.

तसेच, सुदानची (Sudan) राजधानी खार्टूममध्ये रॅपिड सपोर्ट फोर्स आणि देशाच्या लष्करामध्ये अनेक दिवसांच्या तणावानंतर परिस्थिती अनियंत्रित झाली आहे. देशभरात सातत्याने गोळीबार आणि स्फोटांचे आवाज ऐकू येत आहेत.

एएफपी या वृत्तसंस्थेच्या वृत्तानुसार, लष्कराच्या मुख्यालयाजवळ गेल्या अनेक तासांपासून गोळीबार आणि स्फोटांचे आवाज ऐकू येत आहेत.

सुदानीज डॉक्टर्स युनियनच्या म्हणण्यानुसार, लष्कर आणि रॅपिड सपोर्ट फोर्स (आरएसएफ) यांच्यातील रक्तरंजित संघर्ष सुरु आहे.

गृहयुद्धासारखी परिस्थिती असताना सत्तापालट होण्याची शक्यता आहे.

सुदानमध्ये सत्तापालट होण्याची परिस्थिती निर्माण झाली आहे. येथे लष्कर आणि निमलष्करी रॅपिड सपोर्ट फोर्स यांच्यात झालेल्या हिंसक चकमकीत 30 हून अधिक लोक ठार झाले आहेत.

मृतांमध्ये संयुक्त राष्ट्रांच्या (United Nations) तीन कर्मचाऱ्यांचाही समावेश आहे. खार्टूमसह, ओमदुरमन, न्याला, एल ओबेद आणि एल फाशर या शहरांमध्ये सर्वाधिक मृत्यूची नोंद झाली आहे. ही शहरे राजधानी खार्तूमच्या पश्चिमेस आहेत.