पाकिस्तानी दहशतवादी संघटना Tehreek-e-Taliban चा प्रमुख पहिल्यांदाच जगासमोर, पाहा दुर्मिळ व्हिडिओ

Mufti Noor Wali Mehsud: 2007 मध्ये स्थापन झालेल्या टीटीपीला 1 सप्टेंबर 2010 रोजी अमेरिकेने दहशतवादी गट म्हणून घोषित केले आहे.
Mufti Noor Wali Mehsud|Tehreek-e-Taliban
Mufti Noor Wali Mehsud|Tehreek-e-Taliban Dainik Gomantak
Published on
Updated on

The Pakistani terrorist organization Tehreek-e-Taliban (TTP) has released a rare video featuring its chief Mufti Noor Wali Mehsud:

पाकिस्तानी दहशतवादी संघटना तहरीक-ए-तालिबान (TTP) ने एक दुर्मिळ व्हिडिओ प्रसिद्ध केला आहे ज्यात त्यांचा प्रमुख मुफ्ती नूर वली मेहसूद दिसत आहे. अफगाणिस्तान आणि गिलगिट बाल्टिस्तान प्रदेशाच्या सीमेला लागून असलेल्या खैबर पख्तूनख्वाच्या चित्राल जिल्ह्यात पाकिस्तानच्या सैन्यासोबत झालेल्या संघर्षांनंतर दहशतवादी संघटना टीटीपीने हा व्हिडिओ जारी केला आहे.

व्हिडिओमध्ये कथितपणे मेहसूद टीटीपी दहशतवाद्यांना पाकिस्तानमध्ये शरियाच्या स्थापनेसाठी लढण्याच्या सूचना आणि प्रोत्साहन देत असल्याचे दिसत आहे. वृत्तानुसार, महसूदचा हा पहिलाच व्हिडिओ समोर आला आहे.

कोण आहेत मुफ्ती नूर वली मेशुद?

टीटीपीचा माजी माजी प्रमुख मौलाना फजलुल्लाहच्या मृत्यूनंतर जून 2018 मध्ये मेहसूदची टीटीपी प्रमुख म्हणून नियुक्ती करण्यात आली होती.

मेहसूदच्या नेतृत्वाखाली टीटीपीने पाकिस्तानमधील अनेक प्राणघातक दहशतवादी हल्ल्यांची जबाबदारी स्वीकारली आहे. यामध्ये जुलै 2019 मध्ये उत्तर वझिरिस्तानमध्ये पाकिस्तानी सुरक्षा दलांवर हल्ला आणि ऑगस्ट 2019 मध्ये खैबर पख्तूनख्वामध्ये पाकिस्तानी सैनिकांवर बॉम्ब हल्ला यांचा समावेश आहे.

2007 मध्ये स्थापन झालेल्या टीटीपीला 1 सप्टेंबर 2010 रोजी अमेरिकेने दहशतवादी गट म्हणून घोषित केले आहे.

Mufti Noor Wali Mehsud|Tehreek-e-Taliban
Viral Video: विधवा असल्याने की मद्यपानामुळे? पन्ना राजघराण्याच्या महाराणीला मंदिराबाहेर काढल्यामुळे वादंग

पाकिस्तानशी संघर्ष

पाकिस्तानी लष्कर आणि टीटीपीमध्ये चित्रालमध्ये नुकताच गोळीबार झाला, ज्यात चार सरकारी सुरक्षा कर्मचारी आणि 12 दहशतवादी ठार झाले. चित्राल काबीज करण्याचा दहशतवाद्यांचा उद्देश आहे.

"आम्ही पाकिस्तानी सैन्याविरुद्ध यशस्वी ऑपरेशन केले. लक्षात ठेवा चित्रालच्या भूमीवर आमचे हजारो सैनिक प्रस्थापित झाले आहेत. या ऑपरेशनची सुरुवात चित्रालच्या तडफदार जनतेच्या मागणीनंतर झाली. या ऑपरेशनमध्ये चित्रालचे शूर लोक तेहरीक-ए-तालिबान पाकिस्तानच्या खांद्याला खांदा लावून उभे आहेत. जोपर्यंत पाकिस्तान आमची श्रद्धा, संपत्ती, प्राण आणि प्रतिष्ठेवर आक्रमण करेल आणि शरियतच्या अंमलबजावणीत अडथळे आणेल तोपर्यंत आमचा पवित्र जिहाद सुरू राहील," असे टीटीपीने आपल्या निवेदनात म्हटले आहे.

Mufti Noor Wali Mehsud|Tehreek-e-Taliban
पोलिसच निघाला सीरियल रेपिस्ट, भीती दाखवून गाडीत बसवायचा अन् करायचा अपहरण

मात्र, पाकिस्तानी लष्कराने याला प्रत्युत्तर देत सांगितले की, "या हल्लात सहभागी झालेल्या अनेक दहशतवाद्यांना आम्ही मारले असून, जिवंत राहिलेल्या इतर दहशतवाद्यांचा खात्मा करण्यासाठी या भागात कोम्बिंग करण्यात येत आहे."

चित्राल जिल्हा अफगाणिस्तानातील कुनार, नूरिस्तान आणि बदख्शान प्रांतांना जोडतो. दरम्यान टीटीपी कमांडरने दावा केला की, त्यांनी चित्राल जिल्ह्यात कारवाया सुरू केल्या आहेत. अनेक गावे ताब्यात घेतली आहेत.

पाकिस्तानने टीटीपीचे हे सर्व दावे फेटाळून लावले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com