एलन मस्क (Elon Musk) आणि ट्विटर यांच्यातील करारानंतर गुंतवणूकदारांच्या चिंतेमध्ये टेस्ला इंकला मंगळवारी $126 अब्जांचे नुकसान झाले. रॉयटर्सच्या म्हणण्यानुसार, गुंतवणूकदारांना चिंता होती की, एलन मस्क यांना त्यांच्या ट्विटर इंकच्या $ 44 अब्ज खरेदीसाठी टेस्लाचे शेअर्स विकावे लागतील. टेस्ला (Tesla) ट्विटर (Twitter) डीलमध्ये सामील नाही, तरीही त्यांच्या शेअर्सबद्दल लोकांमध्ये संभ्रम आहे. कारण मस्क यांनी या अधिग्रहणासाठी निधी कुठून येणार हे जाहीरपणे सांगण्यास नकार दिला. (Tesla loses $ 126 billion investors worried after Twitter and Elon Musk deal)
तथापि, मस्क यांनी सोमवारी ते प्रति शेअर $ 54.20 रोखीने विकत घेण्याचे मान्य केले. तज्ज्ञांचे म्हणणे आहे की, टेस्ला शेअर्समधील घसरण मस्क यांना ट्विटरसाठी आवश्यक निधीची पूर्तता करण्यासाठी दुसऱ्या पर्यायाचा विचार करण्यास भाग पाडू शकते.
दरम्यान, जगातील सर्वात श्रीमंत व्यक्ती एलन मस्क (Elon Musk) आणि ट्विटर यांच्यातील करार सोमवारी निश्चित झाला. मिळालेल्या माहितीनुसार, मस्क ट्विटर 44 बिलियन डॉलर्सला ( About Rs 3,36,927 Crore) खरेदी करत आहे. ट्विटरच्या स्वतंत्र मंडळाचे अध्यक्ष ब्रेट टेलर यांनी एलन मस्कसोबत झालेल्या कराराची माहिती दिली. करार निश्चित झाल्यानंतर, मस्क यांनी ट्विट करत म्हटले की, "मला आशा आहे की, माझे सर्वात वाईट टीकाकार देखील ट्विटरवर राहतील, कारण मुक्त भाषणाचा अर्थ असा आहे."
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
