Plane crashes in Tanzania: टांझानियातील व्हिक्टोरिया (Lake Victoria in Tanzania) सरोवरात रविवारी विमान कोसळून मोठा अपघात झाला. या विमानात 49 प्रवासी होते, अपघातानंतर विमानातील 23 प्रवाशांची सुटका करण्यात यश आले असून, उर्वरित प्रवाशांची सुटका करण्यासाठी बचावकार्य सुरू असल्याचे पोलिसांनी सांगितले.
टांझानिया पोलिसांनी दिलेल्या माहितीनुसार, खराब हवामानामुळे विमान तलावात कोसळले. हे विमान वायव्येतील शहर बुकोबा (Bukoba Airport) येथे उतरणार होते, त्याच दरम्यान हा अपघात झाला. पाच वर्षांपूर्वी उत्तर टांझानियामध्ये अशीच एक घटना घडली होती. ज्यात सफारी कंपनीचे विमान कोसळून, 11 जणांचा मृत्यू झाला होता.
टांझानिया येथील हा विमान अपघात बुकोबा विमानतळापासून अवघ्या 100 मीटर अंतरावर झाला. हे विमान टांझानियामधील सर्वात मोठी खाजगी विमान कंपनी प्रिसिजन एअर कंपनीचे आहे. अपघातानंतर कंपनीने निवेदन जारी करून बचाव पथकाला घटनास्थळी पाठवले आहे. पुढील दोन तासांत अधिक माहिती जाहीर केली जाईल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.