Tallest Tree: तुम्ही खूप उंच झाडं पाहिली असतील. पण कुतुबमिनारपेक्षा उंच झाड तुम्ही पाहिलय का? होय, आम्ही जगातील सर्वात उंच झाडाबद्दल बोलत आहोत, ज्याची उंची सुमारे 115.85 मीटर आहे.
म्हणजेच ही उंची इतकी जास्त आहे की, त्याच्या समोर कुतुबमिनार आणि स्टॅच्यू ऑफ लिबर्टी लहान दिसतील. जगातील या सर्वात उंच झाडाचे नाव 'हायपेरियन' आहे.
2006 मध्ये याचा शोध लागला. एका जोडप्याने ते शोधून काढले होते. या झाडाचे नाव ग्रीक पौराणिक कथेवरुन घेतले आहे.
दरम्यान, 115.85 मीटर उंचीमुळे या झाडाच्या नावावर जागतिक विक्रमाची नोंद झाली आहे. हे जगातील सर्वात उंच झाड मानले जाते. हे कॅलिफोर्नियाच्या (California) नॅशनल पार्कमध्ये आहे, ते इतके उंच आहे की, ते दुरुन सहज पाहिले जाऊ शकते.
मिळालेल्या माहितीनुसार, नॅशनल पार्कमध्ये जाणाऱ्या लोकांना या झाडाजवळ जाण्यास मनाई आहे. या झाडाजवळ कोणी गेल्यास त्याला 6 महिन्यांची शिक्षा होऊ शकते, असे सांगितले जाते. यासोबतच त्याला 4 लाख रुपयांचा दंडही भरावा लागू शकतो.
हे झाड एका वर्षात 700 किलोग्रॅम ऑक्सिजन (Oxygen) देते. एवढेच नाही तर वर्षभरात हे झाड सुमारे 20 टन कार्बन डायऑक्साइड स्वतःमध्ये शोषून घेते.
या झाडाखाली उन्हाळ्यातही तापमान 4 अंशांपर्यंत घसरते. Hyperion नावाचे हे झाड एका वर्षात सुमारे 1 लाख चौरस मीटर दूषित हवा फिल्टर करते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.