अफगाणिस्तानमधील (Afghanistan) अशरफ घनी (Ashraf Ghani) यांचे लोकशाहीवादी सरकार उलथवून लावत तालिबान्यांनी (Taliban) सत्ता आपल्या ताब्यात घेतली. सत्ता स्थापन करण्यामध्ये तालिबानला पाकिस्तानने मदत केली असल्याचा आरोप आंतरराष्ट्रीय समुदयाकडून वेळोवेळी करण्यात आला. यातच आता तालिबानने आंतरराष्ट्रीय समुदायाला इशारा दिला आहे की, त्यांना अफगाणिस्तानातून कोणताही धोका नको असेल तर जगाने या संघटनेला मान्यता दिली पाहिजे. खामा प्रेस न्यूज एजन्सीच्या वृत्तानुसार, शनिवारी एका पत्रकार परिषदेत तालिबानचे प्रवक्ते जबिउल्ला मुजाहिद (Zabiullah Mujahid) म्हणाले की, आमच्याकडे (Taliban) एक जबाबदार पक्ष म्हणून पाहिले पाहिजे. अफगाणिस्तानवर ताबा मिळवल्यानंतर तालिबानने अंतरिम सरकारची (Interim Government) घोषणा केली, परंतु ते अद्याप आंतरराष्ट्रीय बंधुत्वाकडून मान्यता मिळण्याच्या प्रतीक्षेत आहे.
दरम्यान, तालिबान्यांनी अफगाणिस्तानचा ताबा घेऊन दोन महिने उलटले आहेत. परंतु पाकिस्तान (Pakistan) आणि चीनसारखे (China) काही निवडक देश सोडले तर इतर कोणत्याही देशाने तालिबानशी संबंध वाढवण्यास उत्सुकता दाखवलेली नाही. सध्या अफगाणिस्तानातील मानवाधिकारांच्या स्थितीकडे आंतरराष्ट्रीय समुदायाचे लक्ष आहे. त्यांचे लक्ष सध्या युद्धग्रस्त देशातील मानवतावादी संकट (Afghanistan humanitarian Crisis) कमी करण्यावर केंद्रित आहे. संभाव्य चेतावणी म्हणून, मुजाहिद म्हणाले की, तालिबान इतर देशांकडून येणाऱ्या धोक्यांना आंतरराष्ट्रीय समुदायाने मान्यता दिल्याशिवाय ते टाळण्याची जबाबदारी घेणार नाही.
तालिबानच्या प्रवक्त्याने काय म्हटले?
जबीउल्ला मुजाहिद म्हणाले की, आंतरराष्ट्रीय मान्यता ही द्विपक्षीय गरज आहे. तालिबानच्या प्रवक्त्याने पुढे सांगितले की, 'आम्ही अमेरिकेशी आधी लढलो, कारण त्यांनी आम्हाला पूर्वी ओळखले नव्हते. तालिबानला मान्यता मिळाली नाही तर अफगाणिस्तान, प्रदेश आणि जगाच्या समस्या आणखी वाढतील. मुजाहिदने सर्व देशांना अफगाणिस्तानमधील त्यांचे राजनैतिक मिशन (Diplomatic Mission in Afghanistan) सक्रिय करण्यास सांगितले.
EU अफगाणिस्तानमध्ये राजनैतिक मिशन सुरु करणार
अफगाणिस्तानच्या इस्लामिक अमिरातीच्या मान्यतेच्या प्रश्नांदरम्यान तालिबानी मुत्सद्दींनी पाकिस्तानमधील अफगाणिस्तानच्या मिशनमध्ये काम करण्यास सुरुवात केली आहे. दरम्यान, युरोपियन युनियनलाही (European Union) काही महिन्यांत अफगाणिस्तानमधील आपले राजनैतिक मिशन पुन्हा सुरू करण्याची आशा आहे, कारण ते नवीन तालिबान सरकारशी संलग्नता वाढवण्याचा मानस ठेवत आहे. ब्रिटिश वृत्तपत्र फायनान्शिअल टाईम्सने वृत्त दिले आहे की 27-सदस्यीय गट राजधानी काबूलमध्ये काम सुरू करेल, कारण ब्रुसेल्स मदत प्रयत्न आणि काही अफगाण लोकांना सतत बाहेर काढण्यासाठी समन्वय साधण्याचा प्रयत्न करीत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
