Washington DC News: वॉशिंग्टन डीसीमधील विद्यार्थ्यांना आता शीख धर्माबद्दल जाणून घेण्याची संधी मिळेल, कारण डिस्ट्रिक्ट ऑफ कोलंबिया राज्य शिक्षण मंडळाने शालेय अभ्यासक्रमात शीख धर्माचा समावेश करण्यासाठी मतदान केले आहे.
फ्री प्रेस जर्नलच्या अहवालानुसार, हा निर्णय वॉशिंग्टन डीसीला 17 इतर यूएस राज्यांशी जोडतो, ज्यांनी सार्वजनिक शाळांना त्यांच्या सोशल स्टडी सब्जेक्टमध्ये शीख धर्माचे अचूक प्रतिनिधित्व करण्याचे महत्त्व ओळखले आहे.
नवीन सामाजिक अभ्यास मानके वॉशिंग्टन डीसीमधील अंदाजे 49,800 विद्यार्थ्यांना (Student) शीख धर्माची ओळख करुन देतील, असे शीख कोलिशनने म्हटले आहे, ज्यामुळे त्यांना शीख समुदायाच्या समृद्ध संस्कृती आणि परंपरांचा परिचय मिळेल.
फ्री प्रेस जर्नलच्या अहवालानुसार, शीख अलायन्सचे संचालक हरमन सिंग यांनी या घोषणेचे स्वागत केले. सिंग यांनी यावर जोर दिला की, या मानकांचा केवळ शीख विद्यार्थ्यांनाच फायदा होत नाही तर सर्व विद्यार्थ्यांना विविध संस्कृती आणि धर्म समजून घेण्यासाठी मदत होणार आहे.
या वर्षी एप्रिलमध्ये, वॉशिंग्टन डीसीच्या आधी, व्हर्जिनिया राज्य शिक्षण मंडळाने शीख धर्माचा इतिहास (History) आणि सामाजिक विज्ञान शिकण्याच्या मानकांमध्ये समावेश करण्यासाठी मतदान केले. या अलीकडील प्रयत्नांमुळे, संपूर्ण युनायटेड स्टेट्समधील 25 दशलक्षाहून अधिक विद्यार्थ्यांना आता अधिक व्यापक आणि सर्वसमावेशक शिक्षण घेण्याची संधी आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
