Watch Video: खोल दरीत केबलला लटकली बस, नेपाळमधील धोकादायक वाहतूक पाहून तुम्हाला धक्का बसेल

नेपाळमध्ये 15 जानेवारीला झालेल्या विमान अपघातात 72 नागरिकांचा दुर्दैवी मुत्यू झाला. यात पाच भारतीय नागरिकांचा देखील समावेश होता. नेपाळमधील पोखरा येथे ही घटना घडली होती. यावरून नेपाळमधील धोकादायक विमानतळाबाबत प्रश्न उपस्थित करण्यात आले.

येती एअरलाईन्सच्या या विमान अपघाताची दखल जगात सर्वत्र घेण्यात आली. दरम्यान, नेपाळमधील सार्वजनिक वाहतूकीची दुरावस्था दाखवणारा एक सध्या सोशल मिडियावर प्रचंड व्हायरल (Nepal Viral Video) होत आहे

काय आहे व्हिडिओ?

नेपाळमध्ये एक प्रवासी वाहतूक करणारी बस चक्क एका केबलला लटकवण्यात आली आहे. धक्कादायक बाब म्हणजे ही बस एक खोल दरी पार करून पलिकडे पाठवली जात आहे. एक व्यक्ती या बसला धक्का देताना व्हिडिओमध्ये दिसत आहे. बस थोडी पुढे गेल्यानंतर तो पाठीमागे येतो व बस त्या केबलवरून पुढे सरकते.

आपण आजवर केबल कार पाहिली आहे. जी उंच डोंगरावर किंवा गड किल्यांवर जाण्यासाठी वापरली जाते. पण त्यात दोन ते चार लोकांची क्षमता असते. पण, पूर्ण बसच केबलवरून जात असल्याने लोकांना आश्चर्याचा धक्का बसला आहे.

(Nepal Public Transport Video Goes Viral)

व्हिडिओची सत्यता काय?

अनेकांनी हा व्हिडिओ नेपाळमधील (Nepal Video) असल्याचे म्हटले आहे. दरम्यान, याबाबत अधिकृत माहिती समोर आलेली नाही. एका व्यक्तीने हा व्हिडिओ खरा असला तरी संदर्भ चुकीचा असल्याचे म्हटले आहे. ही बस मोकळीच असून ती दिवसातून एकदा पलिकडच्या गावात वाहतूक सेवा देण्यासाठी पाढवली जाते. असा दावा केला. दरम्यान, हा दावा देखील किती खरा आहे. याबाबत अधिकृत माहिती समोर आलेली नाही.