"Shame on you!" Justin Trudeau was forced by protesters to run away from a plate full of:
भारतविरोधी कॅनडाचे पंतप्रधान जस्टिन ट्रुडो यांची त्यांच्याच देशात वाईट अवस्था आहे. लोक ट्रुडो यांना त्यांच्या तोंडावर शिव्याशाप देत आहेत. काही दिवसांपूर्वी कॅनडाच्या एका नागरिकाने ट्रुडो यांना मोठ्या ताफ्यासह प्रवास करून युक्रेनला लाखो डॉलर्सची मदत दिल्याबद्दल खडसावले होते.
आता व्हँकुव्हरमध्ये, आंदोलकांच्या एका गटाने जस्टिन ट्रुडो यांचा रेस्टॉरंटमधून पाठलाग केला. परिस्थिती इतकी बिघडली की, आंदोलकांना हाताळण्यासाठी 100 पोलिसांना तैनात करावे लागले. याप्रकरणी दोन जणांना अटक करण्यात आल्याचे सांगण्यात येत आहे.
ट्रुडो व्हँकुव्हरमधील एका रेस्टॉरंटमध्ये डिनरसाठी पोहोचले होते. पॅलेस्टाईन समर्थक आंदोलकांना याची माहिती मिळाली.
रेस्टॉरंटमध्ये प्रवेश करून त्यांनी इस्रायल-गाझा युद्धाबाबत कॅनडाच्या भूमिकेवर प्रचंड नाराजी दर्शवली. आंदोलकांनी घोषणाबाजी करत ट्रुडो यांचे जेवण उधळून लावले.
प्रकरण वाढत असल्याचे पाहून 100 हून अधिक पोलीस तैनात करण्यात आले आणि पीएम ट्रुडो यांना रेस्टॉरंटमधून बाहेर काढण्यात आले. आंदोलकांनी ट्रूडो यांच्या विरोधात “तुम्हाला लाज वाटली पाहिजे” आणि “तुम्ही नरसंहारासाठी निधी देत आहात” अशा घोषणाही दिल्या.
ऑक्टोबरच्या शेवटच्या आठवड्यात जस्टिन ट्रुडो टोरंटो येथील मशिदीत आयोजित कार्यक्रमात सहभागी होण्यासाठी गेले होते, तेव्हा त्यांच्या विरोधात घोषणाबाजी करण्यात आली होती.
प्रार्थनेसाठी जमलेल्या लोकांनी इस्रायल-हमास संघर्षात कॅनडाच्या भूमिकेबद्दल तीव्र नाराजी व्यक्त केली आणि त्यांच्या विरोधात घोषणाबाजी केली.
यापूर्वी, कॅनडाच्या 33 खासदारांनी ट्रुडो यांना पत्र लिहून गाझामध्ये युद्धविराम आणि लोकांना मदत करण्यासाठी मानवतावादी कॉरिडॉरसाठी त्वरित प्रयत्न करण्याची विनंती केली होती.
पत्र लिहिणाऱ्यांमध्ये माजी कॅबिनेट मंत्री ओमर अलघाब्रा, लिबरल पार्टी, न्यू डेमोक्रॅटिक पार्टी तसेच ग्रीन पार्टीचे खासदार यांचा समावेश होता.
ट्रुडो यांच्या विरोधाच्या बातम्या आता कॅनडामध्ये सामान्य झाल्या आहेत. काही दिवसांपूर्वी एका व्यक्तीने कॅमेऱ्यासमोर ट्रुडो यांचा प्रचंड अपमान केला होता.
तो ट्रूडो यांना म्हणाला की, तुम्ही वाईट माणूस आहात. तुम्ही कॅनडाचा नाश केलात. मी तुमच्याशी हस्तांदोलन करणार नाही.
या मुद्द्यावर ट्रुडो यांचा त्या व्यक्तीशी वादही झाला होता. त्यांनी ट्रुडो यांना त्यांच्या ताफ्यातील अवजड वाहनांमुळे होणाऱ्या प्रदूषणाबाबत प्रश्न विचारले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.