Russia Ukraine War: रशियाने कमला हॅरिस, मार्क झुकरबर्ग यांना येण्यास घातली बंदी

रशिया आणि युक्रेन (Ukraine) यांच्यात मागील दीड- दोन महिन्यांपासून युध्द सुरु आहे. या युध्दामध्ये युक्रेनचे खूप मोठे नुकसान केले आहे. अलीकडेच माहिती मिळाली आहे की रशियाच्या परराष्ट्र मंत्रालयाने अमेरिकेच्या उपाध्यक्ष कमला हॅरिस आणि मेटा सीईओ मार्क झुकेरबर्ग तसेच इतर 27 प्रतिष्ठित अमेरिकन लोकांना रशियामध्ये येण्यास बंदी घातली आहे.

रशियन मंत्रालयाने गुरुवारी आपल्या अधिकृत वेबसाइटवर दिलेल्या निवेदनात म्हटले आहे, अमेरिकेच्या जो बायडेन (Joe Biden) प्रशासनाने रशियाविरोधात अनेक निर्बंध वाढवले आहे. याचाच हा परिणाम असून अमेरिकन (America) लोकांना रशियात येण्यास मनाई केली आहे.

रशियन मंत्रालयाने हॅरिस आणि झुकेरबर्ग व्यतिरिक्त, लिंक्डइन आणि बँक ऑफ अमेरिकाचे सीईओ, रशिया-केंद्रित मेडुझा न्यूज वेबसाइटचे संपादक इत्यादींना देखील त्यांच्या देशात प्रवेश करण्यास मनाई केली आहे.