UK PM Race: पंतप्रधानपदाच्या शर्यतीत ऋषी सुनक पाचव्या फेरीतही अव्वल

UK PM Race: ब्रिटिश पंतप्रधानपदाच्या शर्यतीत भारतीय वंशाचे ऋषी सुनक पाचव्या फेरीतही अव्वल ठरले. त्यांना 137 मते मिळाली आहेत. मतदानाच्या पाचव्या फेरीसह, मंत्री पेनी मॉर्डाउंट पंतप्रधानपदाच्या शर्यतीतून बाहेर पडले. त्यांना 105 मते मिळाली. आता सुनक यांचा सामना परराष्ट्र मंत्री लिझ ट्रसशी होणार आहे. त्यांना पाचव्या फेरीत 113 मते मिळाली आहेत.

दरम्यान, पाचही टप्प्यात ऋषी सुनक (Rishi Sunak) यांना सर्वाधिक मते मिळाली आहेत. चौथ्या फेरीच्या मतदानात त्यांना 118 मते मिळाली होती. सोमवारी झालेल्या तिसऱ्या फेरीच्या मतदानात त्यांना 115 मते मिळाली. त्याचवेळी दुसऱ्या फेरीत 101 तर पहिल्या फेरीत 88 मते मिळाली होती. सुनक सर्व टप्प्यांवर अव्वल राहिले आहेत.

दुसरीकडे, लिझ ट्रस यांना चौथ्या फेरीत 86, तिसऱ्या फेरीत 71, दुसऱ्या फेरीत 64 आणि पहिल्या फेरीत 50 मते मिळाली. पेनी मॉर्डंट यांना चौथ्या फेरीत 92, तिसऱ्या फेरीत 82, दुसऱ्या फेरीत 83 आणि पहिल्या फेरीत 67 मते मिळाली.