UK PM Race: ब्रिटिश पंतप्रधानपदाच्या शर्यतीत भारतीय वंशाचे ऋषी सुनक यांनी आपला दावा अधिक मजबूत केला आहे. चौथ्या फेरीच्या मतदानात त्यांना 118 मते मिळाली. यासह माजी मंत्री कॅमी बडेनोक पंतप्रधानपदाच्या शर्यतीतून बाहेर पडले आहेत. त्यांना 59 मते मिळाली. त्यामुळे आता केवळ तीन उमेदवार रिंगणात राहिले आहेत. मंत्री पेनी मॉर्डाउंट यांना 92 आणि परराष्ट्र मंत्री लिझ ट्रस यांना 86 मते मिळाली आहेत. आता पुढील फेरीत सुनक, पेनी मॉर्डाँट आणि लिझ ट्रस यांच्यात सामना होणार आहे.
दरम्यान, गुरुवारपर्यंत केवळ दोनच उमेदवार अंतिम यादीत स्थान मिळवू शकतील. सोमवारी झालेल्या तिसऱ्या फेरीच्या मतदानात माजी अर्थमंत्री (Finance Minister) सुनक यांना 115 मते मिळाली. त्याचवेळी दुसऱ्या फेरीत 101 तर पहिल्या फेरीत 88 मते मिळाली. सुनक सर्व टप्प्यांवर अव्वल राहिले आहेत.
दुसरीकडे, कंझर्व्हेटिव्ह पक्षाच्या 876 सदस्यांमध्ये तीन दिवसांपूर्वी 'YouGov' ने केलेल्या सर्वेक्षणात पेनी मॉर्डंट पुढे असल्याचा दावा करण्यात येत आहे. सर्वेक्षणानुसार, मॉर्डंटला 27 टक्के सदस्यांचा पाठिंबा देखील आहे. कामी बेडिनोक 15 टक्के मतांसह दुसऱ्या स्थानावर आहेत, तर ऋषी सुनक आणि लिट ट्रस 13 टक्के मतांसह तिसऱ्या स्थानावरती आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
