पंतप्रधानपदाची संपली शर्यत, ऋषी सुनक की लिझ ट्रस; 5 सप्टेंबरला PM पदाच्या नावाची घोषणा

Britain Prime Minister Election: ब्रिटनमध्ये पंतप्रधानपदाची शर्यत आता संपली आहे. बोरिस जॉन्सन यांच्या जागी कंझर्व्हेटिव्ह पक्षाचे नेते आणि माजी अर्थमंत्री ऋषी सुनक आणि परराष्ट्र मंत्री लिझ ट्रस यांच्यातील निवडणूक शुक्रवारी शेवटच्या टप्प्यात संपली. या निवडणुकीत पक्षाच्या सदस्यांनी आपल्या आवडत्या उमेदवाराच्या बाजूने मतदान केले आहे.

5 सप्टेंबर रोजी जाहीर होईल

विजेत्याच्या नावाची घोषणा 5 सप्टेंबर रोजी म्हणजेच सोमवारी स्थानिक वेळेनुसार दुपारी 12.30 वाजता केली जाईल. सुनक (42) आणि ट्रस (47) यांनी मते मिळविण्यासाठी आणि कंझर्व्हेटिव्ह पक्षाच्या अंदाजे 160,000 सदस्यांवर प्रभाव टाकण्यासाठी अनेकवेळा आमने-सामने आले.

ट्रस यांनी सुनक यांचा त्रास वाढवला

भारतीय वंशाचे ऋषी सुनक सध्या या निवडणुकीत (Election) पिछाडीवर आहेत, हे लक्षात घेण्यासारखे आहे. लिझ ट्रस यांनी सुनक यांच्या अडचणी वाढवल्या आहेत. प्रचारादरम्यान दोन्ही उमेदवारांनी एकमेकांवर जोरदार हल्लाबोल केला. त्याचबरोबर, टोरी सदस्यांना आकर्षित करण्याचा प्रयत्न देखील केला. कारण ज्या पक्षाचा नेता सर्वाधिक मते घेईल, तो ब्रिटनचा (Britain) नवा पंतप्रधान होईल.

दोन्ही नेत्यांनी आकर्षक आश्वासने दिली

सुनक यांनी त्यांच्या प्रचारात वाढत्या महागाईला (Inflation) आळा घालण्याला प्राधान्य दिले. त्याच वेळी, परराष्ट्र मंत्री लिझ ट्रस यांनी आश्वासन दिले की, 'जर माझी पंतप्रधान म्हणून निवड झाली तर, पदभार स्वीकारताच पहिल्या दिवसापासून कर कमी करण्याचा आदेश जारी करेन.'