UK Royal Family: प्रिन्स हॅरीने अलीकडेच किंग चार्ल्स तिसरे हे त्यांचे खरे वडील नसल्याच्या दीर्घकाळ चाललेल्या अफवांवर मौन सोडले आहे. या दाव्यामुळे त्यांना वर्षानुवर्षे खूप वेदना होत असल्याचे त्यांनी सांगितले.
6 जून रोजी न्यायालयीन साक्ष देताना, ड्यूक ऑफ ससेक्सने सांगितले की, ब्रिटीश वृत्तपत्राच्या पत्रकारांना त्यांचे वडील मेजर जेम्स हेविट असल्याचे सिद्ध करायचे होते. त्यांना माझी राजघराण्यातून 'हकालपट्टी' करायची होती.
दरम्यान, ड्यूक ऑफ ससेक्सने विशेषतः मिरर ग्रुप वृत्तपत्रांवर खटला भरला आहे. त्यांचा आरोप आहे की, या ग्रुपने त्यांच्यावरील डझनभर बातम्यांचे लेख तयार करण्यासाठी माहिती गोळा करण्यासाठी फोन हॅकिंगसारख्या अनैतिक पद्धतींचा कथितपणे वापर केला. यापैकी एक 2002 मध्ये द पीपलमध्ये प्रकाशित झालेला लेख होता: 'हॅरीचा डीएनए चोरण्याचा कट'.
प्रिन्स हॅरी म्हणाले की, 'माझ्या आईने त्यांच्याशी प्रेमसंबंध असल्याचे कबूल केल्यानंतर अनेक वृत्तपत्रांनी माझे जैविक वडील जेम्स हेविट असल्याची अफवा पसरवली होती.'
साक्षीदाराच्या निवेदनात, प्रिन्स हॅरीने अफवांच्या खोट्या स्वरुपाचा पुनरुच्चार केला. जेम्स हेविटशी त्यांच्या आईचे प्रेमसंबंध त्यांच्या जन्माच्या काही वर्षांनंतर सुरु झाले नाहीत, या वस्तुस्थितीचाही त्यांनी उल्लेख केला. त्यांनी लेखी निवेदनात म्हटले आहे की, 'माझा जन्म होईपर्यंत माझी आई मेजर हेविटला भेटली नाही.'
प्रिन्स हॅरीच्या म्हणण्यानुसार, 'जेव्हा मी 18 वर्षांचा होतो आणि सहा वर्षांपूर्वी आईला [प्रिन्सेस डायना] गमावले, तेव्हा मला अशा अफवांनी मला खूप त्रास दिला.
ते पुढे म्हणाले की, 'मी नेहमी या अफवांमागील हेतूवर प्रश्न उपस्थित करत असतो. माझी राजघराण्यातून हकालपट्टी व्हावी म्हणून वृत्तपत्रांना (Newspaper) जनतेच्या मनात शंका निर्माण करायची होती का?'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
