Prince Harry's Comments: प्रिन्स हॅरी पुन्हा एकदा चर्चेत आले आहेत. हॅरी यांचे आत्मचरित्र 10 जानेवारी रोजी प्रसिद्ध होणार होते, परंतु त्यातील काही भाग आधीच लीक झाला आहे. आता या लीक झालेल्या उताऱ्यांमधून समोर आलेल्या कथांनी ब्रिटनसह संपूर्ण जगात खळबळ उडवून दिली आहे. प्रिन्स हॅरी यांनी आपल्या आठवणींमध्ये अफगाणिस्तानमधील सैनिक म्हणून आपले दिवस आठवले आहेत. यामध्ये प्रिन्स हॅरी यांनी 25 तालिबानींना मारल्याचा उल्लेख केला आहे. हॅरी यांच्या या खुलाशावरुन ब्रिटनमध्ये खळबळ उडाली आहे.
ब्रिटीश आर्मीचे माजी कर्नल रिचर्ड केम्प यांनी प्रिन्स हॅरी (Prince Harrys) ज्या लोकांशी लढला होते, त्यांचा विश्वासघात असल्याचे म्हटले आहे. अफगाणिस्तानमधील सैन्यदलाचे माजी कमांडर केम्प यावरुन प्रिन्स हॅरीवर नाराज आहेत. ब्रिटीश आर्मी प्रिन्ससह आपल्या सर्व सैनिकांना शत्रूंमध्येही मानव पाहण्याचे प्रशिक्षण देते. मात्र हे सत्यापासून दूर आहे. एवढेच नाही तर प्रिन्स हॅरी यांच्या या खुलाशानंतर त्यांच्यासाठी धोका वाढला आहे, असेही केम्प म्हणाले.
यानंतर, अनेक दहशतवाद्यांमध्ये सूडाची भावना फोफावणार आहे. या सर्व गोष्टींमुळे आपली वैयक्तिक सुरक्षा धोक्यात आल्याचे त्यांनी सांगितले आहे. त्यांनी स्वतःच्या पायावर दगड मारुन घेतला आहे.
स्कायन्यूजशी बोलताना कर्नल केम्प म्हणाले की, 'अफगाणिस्तानविरुद्धच्या (Afghanistan) युद्धात भाग घेऊन प्रिन्स हॅरी यांनी स्वत:चा विशेष सन्मान केला होता. पण अशा कमेंट करुन त्यांनी तो गमावले आहे.' केम्प तिथेच थांबले नाही. प्रिन्स हॅरी यांच्या या वक्तव्यामुळे ब्रिटिश सैनिकांनाही धोका वाढला आहे, असेही ते म्हणाले.
दुसरीकडे, आता त्यांच्यावर कुठेही हल्ला होऊ शकतो. त्याचवेळी अफगाणिस्तानच्या युद्धात एक हात आणि पाय गमावलेले बेन मॅकबीन (Ben McBean) यांनीही हॅरी यांच्या वक्तव्यावर नाराजी व्यक्त केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
