King Charles III of Britain & PM Modi: पंतप्रधान नरेंद्र मोदी आणि ब्रिटनचे राजे चार्ल्स तिसरे यांच्यात मंगळवारी दूरध्वनीवरुन बातचित झाली. पंतप्रधान कार्यालयाने याबाबत माहिती दिली आहे. यावेळी दोघांमध्ये अनेक महत्त्वाच्या मुद्द्यांवर चर्चा झाली. पंतप्रधान मोदी आणि राजे चार्ल्स यांनी दोन्ही देशांमधील संबंध अधिक दृढ करण्याबाबत चर्चा केली. यावेळी, दोन्ही देशांमधील संबंध दृढ करण्यासाठी भारतीय समुदायाच्या भूमिकेचेही कौतुक करण्यात आले.
चार्ल्स तिसरे ब्रिटनचे राजे झाल्यानंतर दोघांमध्ये पहिल्यांदाच बातचित झाली. याबद्दल पंतप्रधान मोदींनी (PM Modi) किंग चार्ल्स यांचे अभिनंदन केले. यावेळी पर्यावरण सुधारणा, जैवविविधता संवर्धन यासह अनेक मुद्द्यांवर दोघांमध्ये चर्चा झाली.
पीएमओकडून मिळालेल्या माहितीनुसार, पंतप्रधान मोदींनी किंग चार्ल्स यांना जी-20 अध्यक्षपदाच्या प्राधान्यांबद्दल सांगितले. यासोबतच पर्यावरणासाठी (Environment) राबवण्यात येणाऱ्या मिशन एलआईएफई बद्दलही माहिती देण्यात आली.
पीएमओच्या म्हणण्यानुसार, दोन्ही नेत्यांनी कॉमनवेल्थ ऑफ नेशन्सवर विचारांची देवाणघेवाण केली. त्याचबरोबर त्याच्या मजबूत करण्याच्या मार्गांवरही चर्चा केली. दोन्ही देशांमधील द्विपक्षीय संबंध समृद्ध करण्यात यूकेमधील भारतीय समुदायाच्या भूमिकेचे त्यांनी कौतुक केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
