King Charles III Visit Gurudwara: ब्रिटनचे महाराजा चार्ल्स तिसरे (King Charles III) यांनी नुकतेच नवीन गुरु नानक गुरुद्वाराचे उद्घाटन केले. पूर्व इंग्लंडमधील बेडफोर्डशायरला ब्रिटनचे राजे चार्ल्स तिसरे यांनी पहिल्यांदाच भेट दिली. यावेळी गुरुद्वारामधील लंगर तयार करण्यासाठी उपस्थित स्थानिक समुदायातील स्वयंसेवकांशी त्यांनी संवाद साधला.
महाराजा चार्ल्स (74) यांनी मंगळवारी गुरुद्वाराच्या स्वयंपाकघरात भेट दिली. लंगर तयार होत असलेल्या ठिकाणी त्यांनी भेट दिली. गुरुद्वाराच्या वतीने कोविड काळात केलेल्या कामाचे महाराजा चार्ल्स यांनी कौतुक केले. यावेळी शालेय विद्यार्थी देखील उपस्थित होते. विद्यार्थ्यांनी चार्ल्स यांना पाहताच त्यांचे स्वागत केले. चार्ल्स यांनी देखील विद्यार्थ्यांशी संवाद साधला.
महाराज कीर्तन ऐकण्यासाठी गुरुद्वाराच्या दिवाण हॉलमध्ये शीख समाजाच्या नेत्यांसोबत बसल्याले देखील दिसत आहेत. राजेशाही निवासस्थान असलेल्या बकिंगहॅम पॅलेसने जारी केलेल्या निवदेनानुसार, "नवीन बांधण्यात आलेल्या गुरू नानक गुरुद्वारामध्ये ल्युटन शीख सूप किचन स्टँड (Luton Sikh Soup Kitchen Stand) चालवणाऱ्या स्वयंसेवकांची महाराजा चार्ल्स यांनी भेट घेतली." गुरुद्वाराच्या माध्यमातून कोरोना साथीच्या काळात कोविड लसीकरण मोहिम चालवली होती. याचे देखील ब्रिटनचे राजे चार्ल्स यांनी कौतुक केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.