SCO President: PM मोदींनी प्रथमच घेतली इराणच्या अध्यक्ष्यांची भेट, या मुद्द्यांवर झाली चर्चा

SCO News: PM नरेंद्र मोदी यांनी प्रथमच इराणचे अध्यक्ष इब्राहिम रायसी यांची अनेक विषयांवर चर्चा केली.
SCO President| PM Modi
SCO President| PM ModiDainik Gomantak

पंतप्रधान नरेंद्र मोदी (PM Modi) यांनी शुक्रवारी येथे शांघाय कोऑपरेशन ऑर्गनायझेशन (SCO) शिखर परिषदेच्या बाजूला इराणचे अध्यक्ष इब्राहिम रायसी यांची भेट घेतली. दोन्ही नेत्यांनी द्विपक्षीय आणि परस्पर हिताच्या मुद्द्यांवर चर्चा केली.

परराष्ट्र मंत्रालयाचे प्रवक्ते अरिंदम बागची यांनी ट्विट केले की, "पंतप्रधान नरेंद्र मोदी आणि इराणचे राष्ट्राध्यक्ष इब्राहिम रायसी (Ebrahim Raisi) यांच्यातील पहिली भेट फलदायी ठरली." बागची पुढे म्हणाले की, 'दोन्ही नेत्यांनी व्यापक द्विपक्षीय संबंधांवर चर्चा केली आणि चाबहार बंदराच्या विकासात झालेल्या प्रगतीचाही आढावा घेतला. त्यांनी अफगाणिस्तानसह विविध आंतरराष्ट्रीय आणि प्रादेशिक घडामोडींवरही चर्चा केली. अफगाणिस्तानच्या मुद्द्यावरही दोघांमध्ये चर्चा झाली. 

चाबहार बंदर विकसित केले जात आहे

आखाती प्रदेशात इराण भारतासाठी (India) दीर्घकाळापासून प्रमुख देश आहे. दक्षिणपूर्व आशिया आणि मध्य आशिया यांच्यातील संपर्क सुधारण्यावर दोन्ही देश संयुक्तपणे लक्ष केंद्रित करत आहेत. भारत इराणच्या चाबहार बंदराला अफगाणिस्तानसह प्रमुख प्रादेशिक ट्रान्झिट हब म्हणून प्रोजेक्ट करत आहे. ऊर्जा समृद्ध इराणच्या दक्षिणेकडील किनारपट्टीवरील सिस्तान-बलुचिस्तान प्रांतातील चाबहार बंदर भारत, इराण आणि अफगाणिस्तानद्वारे कनेक्टिव्हिटी आणि व्यापार संबंधांना चालना देण्यासाठी विकसित केले जात आहे.

SCO President| PM Modi
SCO मध्ये PM मोदींनी दिला रशियाच्या राष्ट्राध्यक्षांना '3 D' चा मंत्र

अफगाणिस्तानातील घडामोडींवर भारत इराणच्या संपर्कात आहे

गेल्या वर्षी 15 ऑगस्ट रोजी तालिबानने अफगाणिस्तानचा ताबा घेतल्यापासून शेजारील अफगाणिस्तानमधील घडामोडींवर भारत इराणच्या संपर्कात आहे. या महिन्याच्या सुरुवातीला परराष्ट्र मंत्री एस जयशंकर यांनी त्यांचे इराण (Iran) समकक्ष हुसेन अमीर-अब्दुल्लाहियान यांच्याशी द्विपक्षीय सहकार्य आणि इराणच्या आण्विक करारावर लक्ष केंद्रित करून दूरध्वनीवरून संभाषण केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com