पाकिस्तानची आर्थिक स्थिती खलावत चालली आहे. नागरिक महागाईने त्रस्त आहेत. यातच आज पाकिस्तानचे पंतप्रधान शाहबाज शरीफ यांनी म्हटले की, ''पाकिस्तानचे आर्थिक भवितव्य ग्वादर बंदरासह चीन-पाकिस्तान आर्थिक कॉरिडॉरच्या यशाशी जोडलेले आहे. हे संपूर्ण उद्दिष्ट साध्य करण्यासाठी पाकिस्तानी नौदलाची भूमिका अत्यंत महत्त्वाची असणार आहे.''
'नौदलाची गरज पूर्वीपेक्षा अधिक महत्त्वाची'
शरीफ पुढे म्हणाले की, ''वाढत्या ब्लू इकॉनॉमी, सागरी सुरक्षा आणि धोरणात्मक हितसंबंधांमुळे पाकिस्तानी नौदलाची गरज पूर्वीपेक्षा अधिक वाढली आहे. भू-राजकीय बदलांमुळे सागरी क्षेत्रे वेगाने विकसित होत आहेत. याच पाश्वभूमीवर मला खात्री आहे की, पाकिस्तानचे नौदल आपल्या संसाधनांसह आपली आंतरराष्ट्रीय जबाबदारी प्रभावीपणे पार पाडेल''.
चीनसोबत संयुक्त प्रकल्प विकसित केल्याने नौदलाचे कौतुक
पाकिस्तानची (Pakistan) सागरी सुरक्षा अभेद्य ठेवण्यासाठी पाकिस्तानच्या नौदलाला बळकट करणे आवश्यक आहे. नौदलाला संसाधने उपलब्ध करुन देण्याचा आमचा प्रयत्न आहे, असे देखील शरीफ यावेळी म्हणाले. आपल्या सागरी हितांचे रक्षण करण्यासाठी पाकिस्तानचे नौदल प्रगत तंत्रज्ञान आणि उपकरणांनी सुसज्ज असल्याची खात्री पाकिस्तान सरकार करेल. स्वदेशी क्षमता विकसित करण्यावर भर देताना शरीफ पुढे म्हणाले की 'चीनसोबत (China) संयुक्त प्रकल्प विकसित केल्याने पाकिस्तानच्या नौदलाचे कौतुक आहे.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
